104 புதிய மெட்ரோ பேருந்துகளை இறக்குமதி செய்ய ஒப்பந்தம் கைச்சாத்து!
நாட்டின் பொதுப் போக்குவரத்து அமைப்பின் செயல்திறனை மேம்படுத்துவதற்காக, 104 புதிய மெட்ரோ பேருந்துகளை இறக்குமதி செய்ய நடவடிக்கை எடுக்கப்பட்டுள்ளது.
இதற்கான ஒப்பந்தம் இன்று (18) கையெழுத்தானதாக போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சு தெரிவித்துள்ளது.
இந்த ஒப்பந்தத்தின்படி, அனைத்து 104 நவீன பேருந்துகளும் ஆகஸ்ட் 15-ஆம் திகதிக்குள் இலங்கைக்கு வந்து சேரும் என எதிர்பார்க்கப்படுகிறது.
இதற்கிடையில், மேற்கு மாகாணத்தில் உள்ள கடவத்த மற்றும் ரத்மலானா உள்ளிட்ட பகுதிகளில் புதிய மெட்ரோ சேவைப் பணிமனைகளின் கட்டுமானப் பணிகள் தற்போது நடைபெற்று வருகின்றன.
ஆகஸ்ட் மாதத்தில் இந்தப் பேருந்துகள் சேவையில் அறிமுகப்படுத்தப்படுவது, இலங்கையின் பொதுப் போக்குவரத்து அமைப்பில் ஒரு குறிப்பிடத்தக்க தர மேம்பாட்டைக் குறிக்கும் என போக்குவரத்து அமைச்சு மேலும் தெரிவித்துள்ளது.
(வீடியோ இங்கே )
இச்செய்திக்கு பிரதான அனுசரணை
வீடியோ இங்கே
