அண்மைக்கால மாதங்களுடன் ஒப்பிட்டுப் பார்க்கும்போது, இந்த மே மாதத்தில் நாட்டின் ஒட்டுமொத்த எரிபொருள் நுகர்வு கணிசமாகக் குறைவடைந்துள்ளதாக இலங்கை பெற்றோலியக் கூட்டுத்தாபனம் (CPC) தெரிவித்துள்ளது.

இது குறித்து இலங்கை பெற்றோலியக் கூட்டுத்தாபனத்தின் முகாமைத்துவப் பணிப்பாளர் மயூர நெத்திகுமாரகே ஊடகங்களுக்கு விசேட விபரங்களை வெளியிட்டுள்ளார்.

முகாமைத்துவப் பணிப்பாளர் மயூர நெத்திகுமாரகே தெரிவித்துள்ள முக்கிய விபரங்கள் வருமாறு: அண்மைக்காலப்பகுதியில் நாட்டின் மிக உயர்ந்த எரிபொருள் நுகர்வு கடந்த மார்ச் மாதத்திலேயே பதிவாகியிருந்தது. 

எனினும், அதன்பின்னர் நுகர்வுப் போக்கில் மாற்றம் ஏற்பட்டு தற்போதைய மே மாதத்தில் அது குறைவடைந்துள்ளது. நாட்டின் எதிர்கால எரிபொருள் தேவையை எவ்வித தடையுமின்றி சீராக நிவர்த்தி செய்யும் பொருட்டு, எதிர்வரும் நவம்பர் மாதத்திற்குத் தேவையான எரிபொருளை இறக்குமதி செய்வதற்கான கொள்முதல் கட்டளைகள் (Orders) தற்போதே பிறப்பிக்கப்பட்டு வருகின்றன.

எரிபொருள் நுகர்வு குறைவடைந்துள்ள போதிலும், எதிர்காலத்தில் தட்டுப்பாடு ஏற்படுவதைத் தவிர்க்கும் வகையில் முன்கூட்டியே திட்டமிட்டு இறக்குமதி நடவடிக்கைகள் முன்னெடுக்கப்பட்டு வருவதாக கூட்டுத்தாபனம் மேலும் சுட்டிக்காட்டியுள்ளது.

லங்கா4 (Lanka4)

(வீடியோ இங்கே )

இச்செய்திக்கு பிரதான அனுசரணை

வீடியோ இங்கே