உத்தரப் பிரதேசத்தில் கனமழை காரணமாக 7 பேர் உயிரிழப்பு - சிவப்பு எச்சரிக்கை அறிவிப்பு
உத்தரப் பிரதேசத்தில் தீவிரமடைந்த பருவமழையால் குறைந்தது ஏழு பேர் உயிரிழந்துள்ளனர்.
மேலும், அடுத்த 24 மணி நேரத்தில் கன முதல் மிகக் கனமழை பெய்யும் என கணித்து மேற்கு உத்தரப் பிரதேசத்தின் சில பகுதிகளுக்கு இந்திய வானிலை ஆய்வு மையம் (IMD) 'சிவப்பு எச்சரிக்கை' விடுத்தது.
சந்த் கபீர் நகர், குஷிநகர், புலந்தஷார், ஷாம்லி மற்றும் காசியாபாத் ஆகிய பகுதிகளில் மழை தொடர்பான தனித்தனி சம்பவங்களில் உயிரிழப்புகள் பதிவாகியுள்ளதாக அதிகாரிகள் தெரிவித்தனர்.
சந்த் கபீர் நகரில், வெவ்வேறு கிராமங்களில் மின்னல் தாக்கியதில் இரண்டு பெண்கள் உயிரிழந்தனர்.
மெஹ்தாவல் தாலுக்காவில் உள்ள வயல்களில் வேலை செய்துகொண்டிருந்தபோது, கட்யா கிராமத்தைச் சேர்ந்த 17 வயது சாந்தினி மற்றும் பிரதாபூர் கிராமத்தைச் சேர்ந்த 60 வயது வர்சனா ஆகியோர் உயிரிழந்ததாக துணை கோட்டாட்சியர் அருண் குமார் தெரிவித்தார்.
குஷிநகரில், விஷன்புரா காவல் நிலைய எல்லைக்குட்பட்ட தாதிபார் கிராமத்தில் உள்ள தங்கள் பண்ணையில் இருந்து அறுவடை செய்த காய்கறிகளை தாய் தனது மகனிடம் கொடுத்தபோது, வயல் வரப்பில் நின்றுகொண்டிருந்த 14 வயது ராகுல் குமார் மீது மின்னல் தாக்கி உயிரிழந்தார்.
