மோட்டார் போக்குவரத்து திணைக்களத்தின் பெயரில் மோசடி: காவல்துறை எச்சரிக்கை!
பொதுமக்களின் மொபைல் போன்களுக்கு வரும் குறுஞ்செய்தியில், உண்மையான அரச இணையத்தளத்தைப் போன்றே தோற்றமளிக்கும் ஒரு போலி இணைய முகவரி (Link) இணைக்கப்பட்டிருக்கும்.
அபராத பயமுறுத்தல்: "உங்களது வாகனம் போக்குவரத்து விதியை மீறியுள்ளது, இதற்கான அபராதத்தை 7 நாட்களுக்குள் ஆன்லைனில் செலுத்தாவிடின் உங்களது ஓட்டுநர் உரிமம் ரத்து செய்யப்படும் அல்லது நீதிமன்ற நடவடிக்கை எடுக்கப்படும்" எனப் பயமுறுத்தும் வகையில் செய்தி அமைக்கப்பட்டிருக்கும்.
அந்த லிங்கை கிளிக் செய்யும்போது திறக்கும் பக்கத்தில் வாகன இலக்கம், தேசிய அடையாள அட்டை இலக்கம் (NIC), மற்றும் முக்கியமாக கிரெடிட்/டெபிட் கார்டு விபரங்கள் மற்றும் OTP (One Time Password) ஆகியவற்றை உள்ளிடுமாறு கோரப்படும்.
அதனை உள்ளிட்டதும் கணக்கிலிருந்து பணம் திருடப்படுகிறது. மோட்டார் போக்குவரத்து திணைக்களம் (DMT) வாகனங்களை பதிவு செய்யும் மற்றும் ஓட்டுநர் உரிமம் வழங்கும் ஒரு சிவில் நிர்வாக அமைப்பாகும்.
வீதிகளில் போக்குவரத்து விதிமீறல்களுக்கு அபராதம் விதிக்கும் அதிகாரம் இந்த திணைக்களத்திற்கு கிடையாது. இலங்கையில் போக்குவரத்து விதிமீறல்களுக்கான அபராதப் பத்திரங்களை இலங்கை காவல்துறையினரே (Sri Lanka Police) வழங்குகின்றனர்.
அவ்வாறு வழங்கப்படும் அபராதங்களை தபால் நிலையங்கள் (Post Offices) அல்லது அங்கீகரிக்கப்பட்ட ஆன்லைன் தளங்கள் (உதாரணமாக: உத்தியோகபூர்வ அரசாங்க தளம்) மூலமாக மட்டுமே செலுத்த முடியும்.
இலங்கை கணினி அவசரப் பிரிவு (SLCERT) மற்றும் காவல்துறை இந்த மோசடியிலிருந்து தப்பிக்க பின்வரும் ஆலோசனைகளை வழங்கியுள்ளனர்
எந்தவொரு அரச திணைக்களமும் வங்கி விபரங்களையோ அல்லது கார்டு விபரங்களையோ குறுஞ்செய்தி (SMS) மூலம் கோருவதில்லை என்பதை நினைவில் கொள்ள வேண்டும்.
இச்செய்திக்கு பிரதான அனுசரணை
வீடியோ இங்கே
