கருணைக்கொலை மசோதாவிற்கு ஒப்புதல் அளித்த பிரெஞ்சு நாடாளுமன்றம்
தீவிரமான நெறிமுறை மற்றும் அரசியல் விவாதத்தைத் தொடர்ந்து, குணப்படுத்த முடியாத நோய்களால் பாதிக்கப்பட்ட வயதுவந்தோருக்கு கருணைக்கொலைக்கான சட்டப்பூர்வ உரிமையை உருவாக்கும் மசோதாவை பிரெஞ்சு நாடாளுமன்ற உறுப்பினர்கள் ஏற்றுக்கொண்டுள்ளனர்.
பிரான்ஸ் நாடாளுமன்றத்தில் நிறைவேற்றப்பட்ட இந்தச் சட்டம், ஒருவர் கோரினால், கடுமையான நிபந்தனைகளின் கீழ் ஒரு உயிர்க்கொல்லிப் பொருளைப் பெற அனுமதிக்கும்.
அந்தப் பொருளை நோயாளி சுயமாக எடுத்துக்கொள்ளலாம் அல்லது உடல்ரீதியாக இயலாத நிலையில் மருத்துவர் அல்லது செவிலியர் மூலம் செலுத்தலாம்.
கருணைக்கொலைக்கான அணுகல், பிரெஞ்சு குடிமக்களாகவோ அல்லது பிரான்சில் சட்டப்பூர்வமாக வசிப்பவர்களாகவோ இருந்து, முற்றிய அல்லது இறுதிக்கட்டத்தில் உள்ள குணப்படுத்த முடியாத, உயிருக்கு ஆபத்தான நோயால் பாதிக்கப்பட்ட வயதுவந்தோருக்கு மட்டுமே அனுமதிக்கப்படும்.
நாடாளுமன்றத்தின் கீழ்சபையான தேசியப் பேரவை, 291 வாக்குகள் ஆதரவுடனும் 241 வாக்குகள் எதிர்ப்புடனும் இந்த வரைவை ஏற்றுக்கொண்டது.
