அடுத்த வாரம் பிரிட்டனின் பிரதமராக பதவியேற்கும் ஆண்டி பர்ன்ஹாம்

ஆண்டி பர்ன்ஹாம் பிரிட்டனின் ஆளும் தொழிலாளர் கட்சியின் தலைவராக அதிகாரப்பூர்வமாக அறிவிக்கப்பட்டுள்ளார். 

இதன் மூலம், அடுத்த வாரம் பிரித்தானியாவின் பிரதமராகப் ஆண்டி பர்ன்ஹாம் பதவியேற்கவுள்ளார்.

பதவி விலகும் பிரதமர் கெய்ர் ஸ்டார்மருக்குப் பதிலாக நடைபெற்ற தலைமைப் போட்டி ஒன்றின் முடிவை மிதவாத-இடதுசாரிக் கட்சி அறிவித்தது. இதில் பர்ன்ஹாம் மட்டுமே போட்டியாளராக இருந்தார்.

ஹவுஸ் ஆஃப் காமன்ஸில் உள்ள 403 தொழிலாளர் கட்சி நாடாளுமன்ற உறுப்பினர்களில் 379 பேரின் பரிந்துரைகளை அவர் பெற்றதால் இந்த அறிவிப்பு வந்துள்ளது. 

இந்நிலையில், "நாங்கள் மக்களுக்கு மீண்டும் நம்பிக்கையை அளிக்கப் போகிறோம்" என்று தலைவராக தனது முதல் உரையில் பர்ன்ஹாம் குறிப்பிட்டுள்ளார். 

மேலும், "இன்று நீங்கள் எனக்கும் என் குடும்பத்திற்கும் அளித்திருப்பது ஒரு பெருமைக்குரிய தருணம், இது ஒரு உணர்ச்சிப்பூர்வமான தருணமும் கூட, இதற்கு நான் தயாராக இருக்கிறேன்" என்று தெரிவித்துள்ளார். 

கிரேட்டர் மான்செஸ்டரின் முன்னாள் மேயரான பர்ன்ஹாம், பல வாரங்களாகப் பிரதமராகப் பதவியேற்கக் காத்திருந்தார். ஆனால், தனது கொள்கை முன்னுரிமைகள் குறித்து அவர் அதிக விவரங்களை வெளியிடவில்லை.

இச்செய்திக்கு பிரதான அனுசரணை

வீடியோ இங்கே