அசாமில் கடந்த 24 மணி நேரத்தில் 21 பேர் உயிரிழப்பு
அசாமில் வெள்ள நிலைமை மோசமடைந்த நிலையில், மேலும் 21 பேர் உயிரிழந்துள்ளனர்.
அதே நேரத்தில், 16 மாவட்டங்களில் 5.64 லட்சம் மக்கள் பாதிக்கப்பட்டுள்ளனர் என்று ஓர் அதிகாரப்பூர்வ அறிக்கை தெரிவித்தது.
அசாம் மாநில பேரிடர் மேலாண்மை ஆணையம் (ASDMA) நள்ளிரவில் வெளியிட்ட அறிக்கையின்படி, கடுமையாகப் பாதிக்கப்பட்ட சிவசாகர் மாவட்டத்தில் கடந்த 24 மணி நேரத்தில் 13 பேரும், அதைத் தொடர்ந்து சராடியோவில் ஐந்து பேரும், கோலாகாட்டில் இருவரும், ஜோர்ஹட்டில் ஒருவரும் உயிரிழந்துள்ளனர்.
இந்த உயிரிழப்புகளுடன், மாநிலத்தில் இந்த ஆண்டு ஏற்பட்ட வெள்ளத்தில் உயிரிழந்தவர்களின் எண்ணிக்கை 31 ஆக உயர்ந்துள்ளது.
44 வருவாய் வட்டங்களில் உள்ள 872 கிராமங்கள் வெள்ளத்தில் மூழ்கியுள்ளதாக செய்திக்குறிப்பில் தெரிவிக்கப்பட்டுள்ளது.
சிவசாகரில் மொத்தம் 3,59,535 பேரும், அதனைத் தொடர்ந்து ஜோர்ஹட்டில் 87,662 பேரும், சராய்தியோவில் 72,646 பேரும் பாதிக்கப்பட்டதாக அது தெரிவித்தது.
இச்செய்திக்கு பிரதான அனுசரணை
வீடியோ இங்கே
