மகாவலி ஆற்றை அண்டிய பகுதிகளில் வசிக்கும் மக்களுக்கு வெள்ள அபாய எச்சரிக்கை!
மகாவலி ஆற்றின் மேல் நீர்ப்பிடிப்பு அதிகரித்துள்ளதன் காரணமாக அதனை அண்டிய பகுதிகளில் வசிக்கும் மக்களுக்கு வெள்ள அபாய எச்சரிக்கை விடுக்கப்பட்டுள்ளது.
இது தொடர்பில் நீர்பாசனத் திணைக்களம் இன்று வெளியிட்ட அறிக்கையில், உடுநுவரா, உடபாலத்தா, யதிநுவரா, கங்கா இஹல கோரளை, பஸ்பாகே கோரளை மற்றும் கங்காவத்த கோரளை ஆகிய பகுதிகளுக்கு இந்த எச்சரிக்கை விடுக்கப்பட்டுள்ளது.
மகாவலி ஆற்றின் தாழ்வான பகுதிகளிலும், அதற்கு அருகாமையிலும் வசிக்கும் மக்கள், தங்களையும் தங்கள் உடைமைகளையும் வெள்ள அபாயத்திலிருந்து பாதுகாத்துக் கொள்ள விழிப்புடன் இருக்குமாறும், தேவையான முன்னெச்சரிக்கை நடவடிக்கைகளை எடுக்குமாறும் அறிவுறுத்தப்பட்டுள்ளனர்.
தேவைப்படும் இடங்களில் உடனடித் தயார்நிலை மற்றும் மீட்பு நடவடிக்கைகளை மேற்கொள்ளுமாறு சம்பந்தப்பட்ட பேரிடர் மேலாண்மை அதிகாரிகளையும் இத்துறை கேட்டுக்கொண்டுள்ளது.
