கொழும்பு - ஹட்டன் பிரதான வீதியில் மீண்டும் போக்குவரத்து பாதிப்பு: குயில்வத்தை பகுதியில் பெரும் அபாயம்

கொழும்பு - ஹட்டன் பிரதான வீதியின் குயில்வத்தை பகுதியில் இன்று (புதன்கிழமை) காலை 6:15 மணியளவில் மீண்டும் மண்சரிவு அபாயம் ஏற்பட்டுள்ளதை அடுத்து, அவ்வீதியூடான போக்குவரத்து கடுமையாகப் பாதிக்கப்பட்டுள்ளது.

இன்று காலை பதிவான காட்சிகளின்படி, வீதிக்கு மேலே உள்ள மலையோரப் பகுதியில் இருந்து பாறைகளும் மண்ணும் சரிந்து விழும் அபாயம் நிலவுவதுடன், வீதியின் ஒரு பகுதி சேதமடைந்துள்ளது. 

இதனால் பாதுகாப்பு கருதி வாகனப் போக்குவரத்து ஒரு தடத்திற்கு மட்டும் வீதி அதிகாரிகளால் கட்டுப்படுத்தப்பட்டுள்ளது. தொடர்ந்து பெய்து வரும் கனமழை காரணமாகவே இப்பகுதியில் மண்சரிவு அபாயம் அதிகரித்துள்ளதாகத் தெரிவிக்கப்படுகிறது.

கொழும்பு மற்றும் ஹட்டன் இடையிலான நீண்ட தூரப் பயணத்தை மேற்கொள்ளும் சாரதிகள், பாதுகாப்பு கருதி நவலப்பிட்டி அல்லது வட்டவளை வழியிலான மாற்று வீதிகளைப் பயன்படுத்துமாறு கேட்டுக்கொள்ளப்படுகிறார்கள்.

குயில்வத்தை பகுதியைக் கடந்து செல்லும் வாகனச் சாரதிகள் அதிவேகத்தைத் தவிர்த்து, வீதிப் பாதுகாப்பு ஊழியர்களின் வழிகாட்டல்களைப் பின்பற்றி மிகவும் அவதானமாக வாகனங்களைச் செலுத்துமாறு கேட்டுக்கொள்ளப்படுகிறார்கள்.

இச்செய்திக்கு பிரதான அனுசரணை

வீடியோ இங்கே