ஹட்டன் பாடசாலைகள் 3 நாட்கள் விடுமுறைக்குப் பின் மீண்டும் திறப்பு

மத்திய மலைநாட்டின் மேற்கு சரிவு பகுதிகளில் நிலவிய கடும் சீரற்ற வானிலை காரணமாக கடந்த 3 நாட்களாக மூடப்பட்டிருந்த ஹட்டன் கல்வி வலயத்திற்குட்பட்ட அனைத்து பாடசாலைகளும் இன்று (06) மீண்டும் திறக்கப்பட்டு வழமையான கல்வி நடவடிக்கைகள் ஆரம்பிக்கப்பட்டுள்ளன.

மோசமான வானிலை நிலைமையை கருத்தில் கொண்டு, மத்திய மாகாண கல்விப் பணிப்பாளரின் அறிவுறுத்தலின் பேரில் ஹட்டன் கல்வி வலயத்திலுள்ள பாடசாலைகளுக்கு 3 நாட்கள் விடுமுறை வழங்கப்பட்டிருந்தது.

எனினும், தொடர்ந்தும் நிலவும் சீரற்ற காலநிலை மற்றும் போக்குவரத்து சிரமங்கள் காரணமாக, இன்று பாடசாலைகளுக்கு மாணவர்கள் மற்றும் ஆசிரியர்களின் வருகை குறைவாக காணப்பட்டதாக அதிபர்கள் தெரிவித்துள்ளனர்.

இச்செய்திக்கு பிரதான அனுசரணை

வீடியோ இங்கே