போப் லியோவின் பிரான்சுக்கான நான்கு நாள் திருத்தூது பயணம் அறிவிப்பு

செப்டம்பர் 25 முதல் 28 வரை பிரான்சுக்கு போப் லியோ XIV மேற்கொள்ளவிருக்கும் திருத்தூதுப் பயணத்திற்கான நிகழ்ச்சி நிரல் அதிகாரப்பூர்வமாக வெளியிடப்பட்டுள்ளது. 

ரோம் திரும்புவதற்கு முன்பு, போப் பாரிஸ், செயிண்ட்-டெனிஸ், லூர்து மற்றும் மெட்ஸ் ஆகிய இடங்களுக்குப் பயணம் செய்யவுள்ளார்.

போப் பிரான்சிஸ் டிசம்பர் 2024ல் கோர்சிகாவில் உள்ள அஜாசியோவிற்கும், செப்டம்பர் 2023ல் மார்சேவிற்கும், 2014ல் ஸ்ட்ராஸ்பர்க்கிற்கும் பயணம் செய்திருந்தாலும் அவற்றில் எதுவும் அதிகாரப்பூர்வ அரசுப் பயணமாகக் கருதப்படவில்லை. 

செப்டம்பர் 2008ல் போப் பெனடிக்ட் XVI பயணம் மேற்கொண்ட பிறகு, போப் லியோவின் பயணம்தான் முதல் முறையாக நடைபெறுகிறது.

செப்டம்பர் 25 புறப்பட்டு, பாரிஸ் ஓர்லி சர்வதேச விமான நிலையத்திற்கு விமானத்தில் தரையிறங்குவார். வரவேற்பு விழாவிற்குப் பிறகு, போப் எலிசே அரண்மனையில் குடியரசுத் தலைவர் இம்மானுவேல் மக்ரோனைச் சந்திப்பார்.

அதன்பிறகு, திருத்தந்தை லியோ அதிகாரிகள், குடிமைச் சமூகம் மற்றும் தூதரகப் பிரதிநிதிகளிடையே உரையாற்ற உள்ளார். 

முதல் நாளின் பிற்பகலில், அவர் யுனெஸ்கோவின் தலைமையகத்திற்குச் சென்று அங்கு உரையாற்ற உள்ளார்.

இச்செய்திக்கு பிரதான அனுசரணை

வீடியோ இங்கே