ஹிருணிகா பிரேமச்சந்திரவின் வழக்கு நவம்பர் 2ம் திகதிக்கு ஒத்திவைப்பு

2022ம் ஆண்டு சர்வதேச மகளிர் தின விழாவின் போது சாலைகளை மறித்ததாகவும் பொலிஸ் பணிகளுக்கு இடையூறு விளைவித்ததாகவும் கூறப்படும் குற்றச்சாட்டுகள் தொடர்பாக, முன்னாள் பாராளுமன்ற உறுப்பினர் ஹிருனிகா பிரேமச்சந்திரா மற்றும் பல பெண் பிரதிவாதிகளுக்கு எதிராகத் தாக்கல் செய்யப்பட்ட வழக்கு, நவம்பர் 2ம் திகதி மீண்டும் விசாரணைக்கு எடுத்துக்கொள்ளப்படும் எனத் திட்டமிடப்பட்டுள்ளது.

இந்த வழக்கு இன்று (17) கொழும்பு பிரதான நீதிபதி அசங்க எஸ். பொதரகம முன்னிலையில் விசாரணைக்கு எடுத்துக்கொள்ளப்பட்டது.

இச்சம்பவம் தொடர்பான விசாரணைகள் நிறைவடைந்துவிட்டதாகவும் அது தொடர்பான விசாரணை கோப்பு மேலதிக அறிவுறுத்தல்களுக்காக சட்டமா அதிபருக்கு அனுப்பப்பட்டுவிட்டதாகவும் சின்னமன் கார்டன்ஸ் பொலிஸ் நீதிமன்றத்தில் தெரிவித்தது. அதன்படி, இவ்வழக்கை நவம்பர் 2ம் திகதி மீண்டும் விசாரணைக்கு எடுத்துக்கொள்ளுமாறு நீதிபதி உத்தரவிட்டார். 

மேலும், இவ்வழக்கின் முன்னேற்றம் குறித்து அந்நாளில் நீதிமன்றத்திற்குத் தெரிவிக்குமாறு பொலிஸ் காவல்துறைக்கு அவர் அறிவுறுத்தினார்.

இச்செய்திக்கு பிரதான அனுசரணை

வீடியோ இங்கே