பிலிப்பைன்ஸில் சக மாணவர்களை சுட்டு தற்கொலை செய்து கொண்ட மாணவன்

தெற்கு பிலிப்பைன்ஸில் நடந்த ஒரு பள்ளி துப்பாக்கிச் சூட்டில் மூன்று மாணவர்கள் கொல்லப்பட்டனர்.

அவர்களில், தன்னைத்தானே சுட்டுக்கொண்ட 16 வயது சந்தேகப்படும்படியான துப்பாக்கிதாரியும் அடங்குவார் என்று மாகாண அதிகாரிகள் தெரிவித்தனர்.

மேலும் எட்டு பேர் காயமடைந்தனர், அவர்களில் நான்கு பேர் கவலைக்கிடமான நிலையில் உள்ளனர். 

பாதிக்கப்பட்ட அனைவரும் 14 முதல் 17 வயதுக்குட்பட்ட மாணவர்கள் என்று, துப்பாக்கிச் சூடு நடந்த தெற்கு கோட்டாபாட்டோவில் உள்ள பங்கா நகர மேயர் ஆல்பர்ட் பலென்சியா தெரிவித்துள்ளார்.

பிலிப்பைன்ஸில் இதற்கு முன்பு பள்ளி துப்பாக்கிச் சூடுகள் அரிதாக இருந்த நிலையில், ஜூன் மாதத்திலிருந்து பள்ளிகளில் நடந்த இரண்டு உயிரிழப்பு ஏற்படுத்திய துப்பாக்கிச் சூடு சம்பவங்களைத் தொடர்ந்து இந்தச் சம்பவம் நிகழ்ந்துள்ளது.