மரண அறிவித்தல் - அமரர் வனிதா
ஆசிரியை, கலை இலக்கிய செயற்பாட்டாளர், சிறந்த தமிழ் மற்றும் ஆங்கில அறிவிப்பாளர், வர்த்தக நிலைய உரிமையாளர், முன்னணி சமூக செயற்பாட்டாளர் என பல்வேறு துறைகளில் தனது ஆளுமையையும் திறமையையும் வெளிப்படுத்திய வனிதா காலமானார்.
பலருடன் அன்பாகவும், சமூகத்துடன் இணைந்தும் பயணித்த ஒரு ஆளுமையின் இழப்பு, அவரை அறிந்த அனைவருக்கும் மிகுந்த வேதனையையும் அதிர்ச்சியையும் ஏற்படுத்தியுள்ளது.
மின்னேரியாவில் உள்ள ஒரு விடுதியில் அவர் சடலமாக மீட்கப்பட்டுள்ளதாக வெளியாகியுள்ள தகவல் தொடர்பாக, உண்மையான காரணத்தை உறுதிப்படுத்தும் வகையில் முழுமையானதும், வெளிப்படையானதுமான விசாரணை நடைபெற வேண்டும் என்பதே அனைவரின் எதிர்பார்ப்பாக உள்ளது.
இந்த துயரமான நேரத்தில், வனிதா அவர்களின் குடும்பத்தினர், உறவினர்கள், நண்பர்கள் மற்றும் அவரை நேசித்த அனைவருக்கும் எமது ஆழ்ந்த அனுதாபங்களைத் தெரிவித்துக்கொள்கிறோம்.
அன்னாரின் ஆன்மா சாந்தியடைய இறைவனைப் பிரார்த்திப்பதுடன், இந்த பேரிழப்பைத் தாங்கிக்கொள்ளும் மனவலிமையை குடும்பத்தினருக்கும் உற்றார் உறவினர்களுக்கும் வழங்க இறைவனை வேண்டுகிறோம்.
எனவே, இத்தகைய துயரமான சம்பவங்களில் உண்மையான தகவல்கள் வெளியாகும் வரை பொறுமையுடனும் பொறுப்புடனும் இருப்போம்.
விசாரணை அதிகாரிகளின் நடவடிக்கைகளுக்கு மதிப்பளித்து, உண்மைகள் வெளிவருவதற்கு அனைவரும் ஒத்துழைப்போம்.
