வங்கதேசத்தில் மீண்டும் இந்துக்கள் மீது தாக்குதல் - 50 வயது நபர் கொலை

வங்காளதேசம் முழுவதும் சிறுபான்மையினரின் பாதுகாப்பு குறித்த கவலைகளை எழுப்பும் மற்றொரு அதிர்ச்சிகரமான சம்பவமாக, மைமன்சிங் மாவட்டத்தின் பெகுன்பாரி பகுதியில் உள்ள மதகுக்கு அருகே டிரம் ஒன்றில் மிதந்த நிலையில் இந்து ஒருவரின் சடலம் கண்டெடுக்கப்பட்டதாக உள்ளூர் ஊடகங்கள் செய்தி வெளியிட்டுள்ளன.

உயிரிழந்தவர் 50 வயதான நிரஞ்சன் சந்திர சூத்ரதர் ​​என அடையாளம் காணப்பட்டுள்ளார், இவர் மைமன்சிங்கின் அதார்பாரி கட்டிடப் பகுதியில் கூட்டு உரிமையுடன் கூடிய நகைக்கடை ஒன்றை நடத்தி வந்தார்.

நிரஞ்சனைக் கொன்றது யார் அல்லது இந்தக் குற்றத்திற்கான நோக்கம் என்ன என்பதைப் போலீசார் இன்னும் கண்டறியவில்லை.

இந்நிலையில், சம்பவம் குறித்து இதுவரை யாரும் கைது செய்யப்படவில்லை என்று தெரிவிக்கப்பட்டுள்ளது.

உயிரிழந்தவரின் தலை மற்றும் மார்புப் பகுதிகளில் கூர்மையான ஆயுதத்தால் தாக்கப்பட்டதற்கான காயங்கள் இருந்ததாகவும் கொல்லப்பட்ட பின்னரே அவரது உடல் டிரம்மில் அடைக்கப்பட்டு நீரில் வீசப்பட்டிருக்கலாம் என்றும் போலீசார் கருதுகின்றனர்.