சட்டவிரோத துப்பாக்கியுடன் சந்தேகநபர் ஒருவர் கைது

வடுவ பகுதியில் முன்னெடுக்கப்பட்ட விசேட சோதனை நடவடிக்கையின்போது சட்டவிரோத துப்பாக்கியுடன் நபர் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர். 

களுத்துறை குற்றப்புலனாய்வு பிரிவுக்கு கிடைத்த இரகசிய தகவலுக்கு அமைய இந்த சோதனை நடவடிக்கை முன்னெடுக்கப்பட்டுள்ளது. 

சோதனையின் போது சந்தேக நபரின் வீட்டில் இருந்து 9 மி.மீ. கைத்துப்பாக்கி மற்றும் அதற்கான இரண்டு தோட்டாக்கள் கைப்பற்றப்பட்டதாகவும் அறிவிக்கப்பட்டுள்ளது. 

கைது செய்யப்பட்ட நபர், ஹபரலகஹலந்த பகுதியைச் சேர்ந்த 31 வயது நபர் ஆவார். விசாரணையின் போது, ​​அந்தத் துப்பாக்கி மற்றொரு நபரிடமிருந்து வாங்கப்பட்டது தெரியவந்துள்ளது. 

 இருப்பினும், அந்தத் துப்பாக்கி எந்த நோக்கத்திற்காக கொள்வனவு செய்யப்பட்டது அல்லது அது குற்றச் செயல்களுக்குப் பயன்படுத்தப்பட்டதா என்பது குறித்த தகவல் இன்னும் வெளியிடப்படவில்லை. 

 களுத்துறை குற்றப்பிரிவு மேலதிக விசாரணைகளை நடத்தி வருகிறது, மேலும் சந்தேக நபர் பனதுறை நீதவான் நீதிமன்றத்தில் ஆஜர்படுத்தப்பட உள்ளார்.