சிறையில் உள்ள பௌத்த பிக்குகளுக்கான புதிய விதிமுறைகளை அறிமுகப்படுத்த நடவடிக்கை
சிறையில் உள்ள பௌத்த பிக்குகள், தத்தமது பிரிவுகளின் (நிகாயாக்களின்) பரிந்துரையின் அடிப்படையில், தங்கள் மதச் சீருடையை அணிந்தவாறே சிறைக்கு வெளியே அழைத்துச் செல்லப்படுவதை அனுமதிப்பதற்கான புதிய விதிமுறைகள் மற்றும் நிலையான நடைமுறைகளை உருவாக்கும் பணிகள் தொடங்கப்பட்டுள்ளதாக ஜனாதிபதி ஊடகப் பிரிவு தெரிவித்துள்ளது.
இப்பிக்குகள் தொடர்பான முன்மொழிவுகள், மகா சங்கத்தினரின் கருத்துக்களைப் பெறுவதற்காக அடுத்த வாரத்தின் நடுப்பகுதிக்குள் அவர்களிடம் சமர்ப்பிக்கப்படவுள்ளன.
விதிமுறைகள் மற்றும் நிலையான நடைமுறைகளைத் திருத்துவதற்கான முன்மொழிவுகளைச் சமர்ப்பிக்க ஒரு சிறப்புக் குழு இரு வாரங்களுக்குள் ஆய்வை மேற்கொள்ளவுள்ளது.
இதன் மூலம், சம்பந்தப்பட்ட பிரிவின் பரிந்துரையின் பேரில் பிக்குகள் தங்கள் மதச் சீருடையை அணிந்தவாறே வெளியே அழைத்துச் செல்லப்படுவதை உறுதி செய்யும் வகையில், அடுத்த இரண்டு வாரங்களுக்குள் இந்த விதிமுறைகளை நிறைவேற்றவும் எதிர்பார்க்கப்படுகிறது.
