ரியாத் விமான நிலையம் மீது மீண்டும் தாக்குதல் நடத்திய ஹூதிகள்

சவூதி தலைநகர் ரியாத்தில் உள்ள சர்வதேச விமான நிலையம், அடுத்தடுத்த நாட்களில் இரண்டாவது முறையாகத் தாக்கப்பட்டுள்ளது என அதிகாரிகள் தெரிவித்துள்ளனர்.

கிங் காலித் சர்வதேச விமான நிலையத்தில் ஞாயிற்றுக்கிழமை ஒரு எறிபொருள் தாக்கியதில் அதன் பயணிகள் கூடங்களில் ஒன்றில் தீ விபத்து ஏற்பட்டதாக சவூதி இராணுவ செய்தித் தொடர்பாளர் ஒருவர் குறிப்பிட்டுள்ளார்.

இதில் பலருக்கு காயங்கள் ஏற்பட்டதாக சவூதி அரேபியாவின் சிவில் விமானப் போக்குவரத்து ஆணையம் தெரிவித்துள்ளது.

இந்த வாரத் தொடக்கத்தில் இதே விமான நிலையத்தில் நடந்த தாக்குதலில் 13 பேர் கொல்லப்பட்டு 308 பேர் காயமடைந்த ஒரு நாள் கழித்து இந்தத் தாக்குதல் நடந்துள்ளது.

இந்தத் தாக்குதல்களுக்குப் பின்னால் தாங்களே இருப்பதாக யேமனில் உள்ள ஹூதிகள் பொறுப்பேற்றுள்ளனர். 

மேலும், சவூதி அரேபிய விமான நிலையங்களையும் வான்வெளியையும் பயன்படுத்த வேண்டாம் என்று விமான நிறுவனங்களுக்கும் பயணிகளுக்கும் அவர்கள் எச்சரிக்கை விடுத்துள்ளனர்.