நாட்டின் பல பகுதிகளுக்கு சிவப்பு எச்சரிக்கை!
நாட்டின் பல பகுதிகளில் இன்றைய (13.10) தினம் கனமழை பெய்யும் என வானிலை ஆய்வுத்துறை சிவப்பு எச்சரிக்கை விடுத்துள்ளது.
இந்த எச்சரிக்கை இன்று மாலை 6.30 மணிவரை செல்லுப்படியாகும்.
வானிலை ஆய்வுத்துறை வெளியிட்டுள்ள அறிவிப்பின்படி, நாட்டின் பெரும்பாலான பகுதிகளில் மழை அல்லது இடியுடன் கூடிய மழை பெய்யும் என தெரிவிக்கப்பட்டுள்ளது.
மேற்கு, சபரகமுவ மற்றும் தெற்கு மாகாணங்களிலும், கண்டி மற்றும் நுவரெலியா மாவட்டங்களிலும் சில இடங்களில் 100 மி.மீ-க்கு மேல் கனமழை பெய்ய வாய்ப்புள்ளது.
இதற்கிடையில், மிதமான அபாயத்தின் கீழ் வகைப்படுத்தப்பட்டுள்ள மீதமுள்ள பகுதிகளுக்கு மஞ்சள் எச்சரிக்கை விடுக்கப்பட்டுள்ளது.
பாதிக்கப்பட்ட பகுதிகளில் வசிக்கும் மக்களும் அதிகாரிகளும், இந்த எச்சரிக்கைக் காலத்தில் ஏற்படக்கூடிய கனமழை மற்றும் அது தொடர்பான அபாயங்கள் குறித்து விழிப்புடன் இருக்குமாறு அறிவுறுத்தப்படுகிறார்கள்.
