இந்தியாவில் மத விழாவில் கூட்ட நெரிசலில் சிக்கி குறைந்தது 17 பேர் உயிரிழப்பு!
இந்தியாவின் கொல்கத்தா நகரில், துர்கா பூஜை பண்டிகையைக் கொண்டாடும் நிகழ்வின் போது ஏற்பட்ட நெரிசலில் சிக்கி குறைந்தது 17 பேர் உயிரிழந்துள்ளனர்.
மேலும் பலர் காயமடைந்துள்ளதாக அதிகாரிகள் தெரிவித்துள்ளனர்.
மேற்படி பூஜை நிகழ்வின்போது திடீரென மழை பெய்துள்ளது. மழையில் ஒதுங்குவதற்காக பக்தர்கள் அலைமோதியபோது இந்த அனர்த்தம் ஏற்பட்டுள்ளது.
இந்தியப் பிரதமர் நரேந்திர மோடி, இந்தச் சம்பவத்தை "துயரமானது" என்று குறிப்பிட்டுள்ளார். பாதிக்கப்பட்ட குடும்பங்களுக்கு மாநில அரசு உதவி வழங்கி வருவதாகவும் அவர் தெரிவித்தார்.
உயிரிழந்தவர்களில் ஆறு பேர் அடையாளம் காணப்பட்டுள்ளதாக சுவேந்து அதிகாரி கூறினார்.
இந்தியாவில், முறையற்ற நிர்வாகம் மற்றும் போதிய பாதுகாப்பு ஏற்பாடுகள் இல்லாத காரணத்தால், மத விழாக்களின் போது உட்பட, மக்கள் கூட்ட நெரிசலில் சிக்கி உயிரிழக்கும் சம்பவங்கள் அவ்வப்போது நிகழ்ந்து வருகின்றன.
இரண்டு ஆண்டுகளுக்கு முன்பு, உத்தரப் பிரதேசத்தில் நடைபெற்ற ஒரு இந்து மத நிகழ்வின் போது ஏற்பட்ட நெரிசலில் சிக்கி 121 பேர் உயிரிழந்தமை குறிப்பிடத்தக்கது.
