குறிவைத்து நடத்தப்பட்ட தாக்குதலில் இரு கால்களையும் இழந்த ஆஸ்திரேலிய நாடாளுமன்ற உறுப்பினர்
ஆஸ்திரேலிய நாடாளுமன்ற உறுப்பினர் ஹெலன் ஹெய்ன்ஸ், குறிவைத்து நடத்தப்பட்டதாகக் கருதப்படும் தாக்குதலில் தனது இரு கால்களையும் இழந்துள்ளார் என்று அவரது கணவர் செய்தியாளர்களிடம் குறிப்பிட்டுள்ளார்.
விக்டோரியா மாநிலத் தலைநகருக்கு வடகிழக்கே 200 கிலோமீட்டருக்கும் (120 மைல்கள்) தொலைவில் உள்ள வாங்கராட்டா (Wangaratta) நகரில், தனது அலுவலகத்திற்கு அருகில் கார் மோதியதில் காயமடைந்த ஹெலன் ஹெய்ன்ஸ், தற்போது மெல்போர்ன் மருத்துவமனையில் சீரான உடல்நிலையுடன் சிகிச்சை பெற்று வருகிறார்.
மருத்துவமனையில் செய்தியாளர்களிடம் பேசிய அவரது கணவர் ஃபில், அறுவை சிகிச்சை நிபுணர்கள் அவரது இரு கால்களையும் அகற்ற வேண்டிய கட்டாயம் ஏற்பட்டதாகக் குறிப்பிட்டுள்ளார்.
ஹெலன் ஹெய்ன்ஸைக் காயப்படுத்தியதாகக் கூறப்படும் நபர், குறிவைத்து நடத்தப்பட்ட இந்தத் தாக்குதல் தொடர்பாக நீதிமன்றத்தில் ஆஜர்படுத்தப்பட்டார்.
43 வயதான பிரெண்டன் நுஜென்ட் (Brendan Nugent) மீது, ஆபத்தான முறையில் வாகனத்தை இயக்கி கடுமையான காயத்தை ஏற்படுத்தியது, வேண்டுமென்றே கடுமையான காயத்தை உண்டாக்கியது ஆகிய குற்றச்சாட்டுகள் சுமத்தப்பட்டுள்ளன.
மேலும், பொது அதிகாரியைக் காயப்படுத்திய குற்றத்திற்காக அவர் மீது கூட்டாட்சிச் சட்டத்தின் கீழ் வழக்குப் பதிவு செய்யப்பட்டுள்ளது; இதற்கான அதிகபட்ச தண்டனை 10 ஆண்டுகள் சிறைவாசமாகும்.
