நாடு தழுவிய ரீதியில் போராட்டத்தில் குதிக்கும் அபிவிருத்தி அதிகாரிகள்!

பல்வேறு கோரிக்கைகளை வலியுறுத்தி அபிவிருத்தி அதிகாரிகள் நவம்பர் 9 அன்று நாடு தழுவிய வேலைநிறுத்தத்தில் ஈடுபட முடிவு செய்துள்ளதாக அறிவித்துள்ளனர்.

தங்கள் பிரச்சினைகள் குறித்து பலமுறை அதிகாரிகளுக்குத் தெரிவித்திருந்தபோதிலும், இதுவரை முறையான தீர்வுகள் எதுவும் காணப்படவில்லை என்று அச்சங்கத்தின் பொதுச் செயலாளர் தம்மிகா முனசிங்க கூறினார். 

இது தொடர்பில் மேலும் கருத்து வெளியிட்டுள்ள அவர்,  "அபிவிருத்தி அதிகாரிகளின் பிரச்சினைகளைத் தீர்ப்பதாக வாக்குறுதியளித்து இந்த அரசாங்கம் ஆட்சிக்கு வந்தது. ஒரு அபிவிருத்தி அதிகாரிக்கான கடமைகளின் பட்டியல் எதுவும் இல்லை.

 குறிப்பிட்ட பதவி உயர்வு முறை எதுவும் இல்லை. தரங்களுக்கு இடையே 10 ஆண்டு கால பதவி உயர்வு உள்ளது, அதற்கு மேல் தரம் எதுவும் இல்லை. 

அவர்களின் பயிற்சிக் காலம் ஓராண்டு. அவர்கள் வழக்கமான சேவையில் சேர்க்கப்படவில்லை. மிகப்பெரிய சம்பள இடைவெளி உள்ளது. இந்தக் கேள்விகள் எதற்கும் பதில் இல்லை." என அவர் குறிப்பிட்டுள்ளார்.