ஜோர்டானில் தேவாலயத்தில் நடந்த துப்பாக்கிச் சூட்டில் 7 பேர் மரணம்
ஜோர்டானில் உள்ள ஒரு தேவாலயத்தில் நடைபெற்ற இறுதிச் சடங்கின் போது துப்பாக்கி ஏந்தியவர்கள் நடத்திய தாக்குதலில், ஏழு பேர் கொல்லப்பட்டதாகவும், மேலும் 34 பேர் காயமடைந்ததாகவும் அதிகாரிகள் தெரிவித்தனர்.
தலைநகர் அம்மானிலிருந்து சுமார் 180 கிலோமீட்டர் (110 மைல்) தெற்கே உள்ள கராக் என்ற இடத்தில் உள்ள ஒரு கிரேக்க ஆர்த்தடாக்ஸ் தேவாலயத்தில் இந்தத் துப்பாக்கிச் சூடு சம்பவம் நிகழ்ந்தது.
இந்தத் தாக்குதல் "அடையாளம் தெரியாத நபர்களால் நடத்தப்பட்டது" என்று அரசாங்கம் அறிக்கை வெளியிட்டுள்ளது.
மேலும், துப்பாக்கி ஏந்தியவர்கள் யாரேனும் பிடிக்கப்பட்டார்களா அல்லது கொல்லப்பட்டார்களா என்று அது குறிப்பிடவில்லை.
ஜோர்டானின் பொதுப் பாதுகாப்பு இயக்குநர், மேஜர் ஜெனரல் ஒபெய்தல்லா மாய்தா, ஒரு செய்தியாளர் சந்திப்பில், காயமடைந்தவர்களில் 27 பேருக்கு இன்னும் சிகிச்சை அளிக்கப்பட்டு வருவதாகக் குறிப்பிட்டுள்ளார்.
