தேசிய செயற்கை நுண்ணறிவு உயிரியல் பாதுகாப்பு ஆய்வகத்தை நிறுவப்போகும் இங்கிலாந்து

வளர்ந்து வரும் உயிரியல் அச்சுறுத்தல்களுக்கு எதிரான தனது பாதுகாப்பை வலுப்படுத்த உதவும் வகையில், ஒரு தேசிய செயற்கை நுண்ணறிவு உயிரியல் பாதுகாப்பு ஆய்வகத்தை (AIBL) நிறுவப்போவதாக இங்கிலாந்து தெரிவித்துள்ளது.

முன்னணி செயற்கை நுண்ணறிவு நிறுவனங்களின் ஆதரவுடன் இந்த புதிய, "உலகிலேயே முதல்" நிறுவனத்தை நிறுவுவதற்காக அரசாங்கம் £100 மில்லியனை ஒதுக்கும் என தெரிவிக்கப்பட்டுள்ளது.

மேலும், வளர்ந்து வரும் இணையவழி, உயிரியல் மற்றும் செயற்கை நுண்ணறிவு சார்ந்த அச்சுறுத்தல்களை எதிர்கொள்ளும் இங்கிலாந்தின் திறனை வலுப்படுத்தும் நோக்கில், பல்வேறு முயற்சிகளுக்காக மில்லியன் கணக்கான பவுண்டுகளை செலவிடுவதாகவும் நிதி அமைச்சர் உறுதியளிப்பார்.

"செயற்கை நுண்ணறிவு அன்றாட வாழ்க்கையை மாற்றியமைக்கும்: ஒவ்வொரு நிறுவனமும், சமூகமும், மருத்துவமனையும், பள்ளியும், நமது பொருளாதாரத்தின் ஒவ்வொரு அம்சமும் பயனடையலாம்," என்று நிதி அமைச்சர் ஜான் ஹீலி குறிப்பிட்டுள்ளார்.