IPL Match44 - ஹைதராபாத் அணிக்கு எதிரான போட்டியில் சென்னை அணி பந்து வீச தீர்மானம்

ஹைதராபாத் அணிக்கு எதிரான இன்றைய போட்டியில் டாஸ் வென்றுள்ள சென்னை சூப்பர் கிங்ஸ் அணி முதலில் பந்துவீச்சை தேர்வு செய்துள்ளது.
ஐபிஎல் டி.20 தொடரின் இன்றைய போட்டியில் தோனி தலைமையிலான சென்னை சூப்பர் கிங்ஸ் அணியும், கேன் வில்லியம்சன் தலைமையிலான சன் ரைசர்ஸ் ஹைதராபாத் அணியும் மோதுகின்றன.

துபாய் ஷார்ஜா மைதானத்தில் நடைபெறும் இந்த போட்டியில் டாஸ் வென்றுள்ள சென்னை சூப்பர் கிங்ஸ் அணியின் கேப்டன் தோனி முதலில் பந்துவீச்சை தேர்வு செய்துள்ளார்.

இன்றைய போட்டிக்கான சென்னை சூப்பர் கிங்ஸ் அணி ஒரு மாற்றத்துடன் களமிறங்கியுள்ளது. கடந்த போட்டியில் ரன்களை வாரி வழங்கிய சாம் கர்ரான் அணியில் இருந்து நீக்கப்பட்டு அவருக்கு பதிலாக டூவைன் பிராவோ மீண்டும் அணியில் சேர்க்கப்பட்டுள்ளார்.

அதே வேளையில் இன்றைய போட்டிக்கான ஹைதராபாத் அணி எந்த மாற்றமும் இல்லாமல் களமிறங்கியுள்ளது. கடந்த போட்டியில் விளையாடிய அதே வீரர்கள் இன்றைய போட்டிக்கான அணியிலும் இடம்பெற்றுள்ளனர்.

சென்னை சூப்பர் கிங்ஸ் அணி;

• ருத்துராஜ் கெய்க்வாட், டூபிளசிஸ், மொய்ன் அலி, அம்பத்தி ராயூடு, சுரேஷ் ரெய்னா, தோனி , ரவீந்திர ஜடேஜா, டூவைன் பிராவோ, ஷர்துல் தாகூர், தீபக் சாஹர், ஜாஸ் ஹசில்வுட்.

சன் ரைசர்ஸ் ஹைதராபாத் அணி;

• ஜேசன் ராய், விர்திமான் சஹா, கேன் வில்லியம்சன், ப்ரியம் கர்க், அபிசேக் ஷர்மா, அப்துல் சமத், ஜேசன் ஹோல்டர், ரசீத் கான், புவனேஷ்வர் குமார், சித்தார்த் கவூல், சந்தீப் சர்மா.