ஆறு கோரிக்கைகளை முன்வைத்து நாடளாவிய ரீதியில் வேலை நிறுத்தப் போராட்டம்!

சுகாதார வல்லுனர்களை பிரதிநிதித்துவப்படுத்தும் பல தொழிற்சங்கங்கள் ஆறு கோரிக்கைகளை முன்வைத்து எதிர்வரும் நவம்பர் மாதம் 9 ஆம் திகதி நாடளாவிய ரீதியில் வேலை நிறுத்தப் போராட்டத்தில் ஈடுபடவுள்ளன.

சுகாதார தொழில் வல்லுநர்கள் அமைப்பின் இணை அழைப்பாளர் ரவி குமுதேஷ் நேற்று நடைபெற்ற ஊடகவியலாளர் சந்திப்பில் பேசுகையில், ஆறு காலதாமதமான தீர்வு காணப்படாத கோரிக்கைகளை முன்வைத்து வேலைநிறுத்தம் முன்னெடுக்கப்படுவதாக தெரிவித்தார்.

பல வருடங்களாக நீடித்து வரும் பிரச்சினைகள் இன்னும் தீர்க்கப்படாத நிலையில், கலந்துரையாடல்களும் நடத்தப்படவில்லை என்றார். எனவே, அனைத்து தொழிற்சங்கங்களும் வேலைநிறுத்தப் போராட்டத்தில் ஈடுபடும் என்றார்.

MBBS நிபுணர்களின் கருத்துக்களை மட்டுமே கருத்தில் கொண்டு மற்ற நபர்களை புறக்கணிப்பதாக அவர் சுகாதார அமைச்சகத்தை குற்றம் சாட்டினார்.

தங்களின் குறைகளுக்கு சுகாதார செயலாளர் தீர்வை வழங்குவார் என தாங்கள் நம்புவதாகவும் ஆனால் எந்த பயனும் இல்லை என்றும் அவர் கூறினார்.

அவசர மற்றும் அத்தியாவசிய சேவைகள், கோவிட்-19 தொடர்பான கடமைகள், மகப்பேறு, குழந்தைகள் மற்றும் புற்றுநோய் மருத்துவமனைகள் மற்றும் இரத்த வங்கி 9 ஆம் திகதி வழக்கம் போல் செயல்படும்.

தமது பிரச்சினைகளை தீர்க்குமாறு சுகாதார அமைச்சர் கெஹலிய ரம்புக்வெல்லவிடம் அவர் வலியுறுத்தினார்,

COVID-19 ஐ காரணம் காட்டி தமது கவலைகளை அரசு புறக்கணித்ததாகவும், இனி வேலை நிறுத்தத்தை தவிர வேறு வழியில்லை என்றார்.

இச்செய்திக்கு பிரதான அனுசரணை

வீடியோ இங்கே