சீமான் மனைவி பெயரில் கொடைக்கானலில் ஏக்கர் கணக்கில் நிலம்? ஆதாரத்தை வெளியிட்டுள்ளார் சவுக்கு சங்கர்.

சீமான் மனைவி கயல்விழி பெயரில் கொடைக்கானலில் 6 ஏக்கர் நிலம் இருப்பதாக ஆதாரத்தை வெளியிட்டுள்ளார் சவுக்கு சங்கர்.

சீமான் தனது தம்பிகளை ஈர்ப்பதற்காக அவ்வப்போது பரபரப்பாக பேசி கைதட்டல்களை அள்ளுவார். அடுத்த சில நாள்களுக்கு பின்னர் அதற்கு நேர் எதிராக வேறொரு இடத்தில் பேசி சிக்கலில் சிக்குவார். நெட்டிசன்கள் அந்த வீடியோக்களை எடிட் செய்து சமூக வலைதளங்களில் டிரெண்டிங் செய்வார்கள். இது தொடர்ச்சியாக நடைபெறும் செய்திதான்.

இந்த சூழலில் நாட்டையே அடையத் துடிக்கிற எனக்கு இந்த மண்ணில் வீடு கிடையாது என்பது எவ்வளவு வரலாற்றுத் துயரம் என சற்று எமோஷனலாக ஒரு இடத்தில் பேசியுள்ளார். அப்போ இது என்ன அண்ணன் என அவர் மனைவி பெயரில் உள்ள நில ஆவணத்தை எடுத்து வந்து காட்டுகிறார்கள் நெட்டிசன்கள்.

“எனக்கு சொந்த வீடு இல்லை. வாடகை வீட்டில்தான் வசிக்கிறேன். அதுவும் அந்த வீட்டையும் காலி பண்ணச் சொல்லிவிட்டார்கள். நான் வீட்டிற்கு எங்கே போவேன்? அடுத்த மாதம் காலி பண்ணணும். என் பிள்ளைகளை கூட்டிக்கிட்டு எங்கே போவது? நானும் என் மனைவியும்னா பராவயில்லை. நாங்க பாட்டுக்கு ஒரு சின்ன குடிசையில் எங்கேயாவது இருந்திட்டு போவோம். ஆனா என் பிள்ளைகள், அந்த வாத்து, கோழிகள், புறா இதை எங்கே கொண்டு போய் போடுவது? எந்த வீட்டில் கொண்டு போய் வைத்தாலும் வீடு தரமாட்டான் தெரியுமா?

நானே வாடகை வீட்டில் இருக்கிறேன். அப்புறம் எப்படி வெளிநாட்டில் இருந்து வருகிறது என்று சொல்கிறீர்கள்? எனக்கு கோடி கோடியாய் பணம் வருதுன்னு சொல்றாங்க..? அப்ப உங்களுக்கு எங்கேயிருந்து வருதுன்னு சொல்லுங்க. அதை பத்தி புலனாய்வு பண்ணுங்க” என்று பேசியிருந்தார்.

இந்நிலையில் ஊடகவியலாளர் சவுக்கு சங்கர் தனது ட்விட்டர் பக்கத்தில் பதிவு ஒன்றை வெளியிட்டுள்ளார். “சீமான் மனைவி கயல்விழிக்கு சொந்தமாக திண்டுக்கல் மாவட்டம் கொடைக்கானலில் வில்பட்டி வருவாய் கிராமத்தில் 6 ஏக்கர் நிலம் இருக்கிறதே. அதை விற்று சென்னையில் சொந்தமாக வீடு வாங்கிக்கொள்ளலாமே” என்று கேட்டு கொடைக்கானலில் இருக்கும் நில ஆதாரங்களையும் வெளியிட்டிருக்கிறார்.

2.43 ஹெக்டேராம், அப்படியென்றால் 6 acre. 6 acre = 2, 61, 360 சதுர அடி. ஒரு சதுர அடி இன்று 115 ரூபாய் என்றால் இடத்தின் சந்தை மதிப்பு 3 கோடியே 36 லட்சம்'' என்கிறார் சவுக்கு சங்கர்.