கர்ப்பிணிகளுக்கு பூஸ்டர் டோஸ் சிறந்ததா? ஆய்வில் வெளியான தகவல்!
நோய் கட்டுப்பாடு மற்றும் தடுப்புக்கான அமெரிக்க மையங்களின் புதிய ஆய்வில், கர்ப்ப காலத்தில் கொரோனா தடுப்பூசியைப் பெறுவது தாய் மற்றும் குழந்தை இருவருக்கும் மிகவும் பயனுள்ளதாக இருக்கும் என்று கண்டறியப்பட்டுள்ளது.
ஒரே நேரத்தில் எம்ஆர்என்ஏ தடுப்பூசியின் இரண்டு டோஸ்களைப் பெற்ற தாய்மார்களுக்குப் பிறந்த குழந்தைகள், கொரோனா நோயால் பாதிக்கப்பட்ட முதல் ஆறு மாதங்களில் மருத்துவமனையில் அனுமதிக்கப்படுவதற்கான வாய்ப்புகள் 61சதவீதம் குறைவாக இருப்பதாக ஆய்வில் கண்டறியப்பட்டுள்ளது.
பைசர் மற்றும் மொடேர்னா தடுப்பூசிகள் கொரோனாவுக்கு அளிக்கப்பட்ட எம்ஆர்என்ஏ தடுப்பூசிகளாக கருதப்படுவதாக வெளிநாட்டு ஊடகங்கள் செய்தி வெளியிட்டுள்ளன.
கர்ப்பமாக இருக்கும் தாய்மார்களுக்கு எந்த நேரத்திலும் தடுப்பூசி போடுவதில் இது பயனுள்ளதாக இருந்தாலும், கர்ப்பத்தின் 21 ஆவது வாரங்களில் அல்லது அதற்குப் பிறகு தடுப்பூசி போடும்போது அது மிகவும் பயனுள்ளதாக இருக்கும்.
கொரோனா கர்ப்ப காலத்தில் ஏற்படும் சிக்கல்கள் அதிகரிக்கும் அபாயத்துடன் தொடர்புடையது என்பதால், கர்ப்பிணித் தாய்மார்களுக்கு தடுப்பூசி போடுவதை அமெரிக்க நோய் கட்டுப்பாடு மற்றும் தடுப்பு மையங்கள் பரிந்துரைப்பதாக வெளிநாட்டு ஊடகங்கள் தெரிவித்துள்ளன.
தடுப்பூசி மூலம் உற்பத்தி செய்யப்படும் அன்டிபாடிகள் கருப்பையில் தாயிடமிருந்து குழந்தைக்கு பரவுகிறது, இதனால் கடுமையான நோய் மற்றும் மருத்துவமனையில் அனுமதிக்கப்படாமல் பாதுகாக்கிறது என்று ஆய்வில் மேலும் கண்டறியப்பட்டுள்ளது.
இது குறித்து இலங்கை குடும்ப நலப் பணியகத்தின் தாய் சேய் நலப் பணிப்பாளர் டொக்டர் சித்ரமாலி டி சில்வா தெரிவிக்கையில், தடுப்பூசி மூலம் தாயும் பாதுகாக்கப்படுவார் எனத் தெரிவித்தார்.
இதன் விளைவாக, கர்ப்பிணித் தாய்மார்கள் பூஸ்டர் டோஸ் எடுத்துக்கொள்ளுமாறு அவர் வலியுறுத்தினார். 90 வீதத்திற்கும் அதிகமான கர்ப்பிணித் தாய்மார்கள் இரண்டு கொரோனா டோஸ்களையும் பெற்றிருந்தாலும், பூஸ்டர் டோஸ் எடுக்கும் இரட்டைப் போக்கைக் கொண்டிருப்பதாக அவர் சுட்டிக்காட்டுகிறார்.
பூஸ்டர் டோஸ் பெறுவதற்கு நாடளாவிய ரீதியில் தேவையான வசதிகள் செய்து கொடுக்கப்பட்டுள்ளதாக அவர் மேலும் தெரிவித்தார்.
