சுற்றுலாத்துறையில் ஈடுபடுபவர்களுக்கு நிவாரணம் வழங்க அவசர நிதியம்

சுற்றுலாத்துறையில் ஈடுபடுபவர்களுக்கு சுற்றுலா மேம்பாட்டு ஆணையம் அவசர நிதியத்தை அமைக்க உள்ளது.

நாட்டில் அனர்த்தம் ஏற்படக்கூடிய அனர்த்தம் ஏற்படும் பட்சத்தில் சுற்றுலாத்துறையில் ஈடுபடுபவர்களுக்கு நிவாரணம் வழங்குவதற்காக இந்த நிதியத்தை அமைக்க எதிர்பார்த்துள்ளதாக சுற்றுலாத்துறை அமைச்சர் பிரசன்ன ரணதுங்க தெரிவித்துள்ளார்.

உத்தேச புதிய சுற்றுலா சட்டத்தின் கீழ் இந்த அவசர நிதியம் நிறுவப்பட உள்ளது.

சுற்றுலாத் துறைக்கான உத்தேச சமூகப் பாதுகாப்புத் திட்டத்திற்கு இணங்க இந்த புதிய நிதியை ஸ்தாபிப்பது தொடர்பில் கவனம் செலுத்தப்பட்டு வருவதாகவும் அமைச்சர் குறிப்பிட்டார்.

கோவிட் தொற்றுநோய்களின் போது நாட்டில் சுற்றுலாத் தொழிலில் ஈடுபட்டுள்ளவர்களை பாதுகாக்க அரசாங்கம் விசேட வேலைத்திட்டமொன்றை நடைமுறைப்படுத்தியுள்ளதாகவும் அமைச்சர் வலியுறுத்தினார். 

கோவிட் நோயால் பாதிக்கப்பட்ட சுற்றுலா மேம்பாட்டு ஆணையத்தின் பதிவு செய்யப்பட்ட வழிகாட்டிகளுக்கு ரூ.20,000 உதவித்தொகை, பதிவு செய்யப்பட்ட சுற்றுலா வழிகாட்டிகளுக்கு மாகாண சபை மட்டத்தில் 15,000 ரூபா கொடுப்பனவு வழங்க நடவடிக்கை எடுக்கப்பட்டுள்ளது.

ஏற்கனவே பதிவு செய்யப்பட்ட 2,575 சுற்றுலா வழிகாட்டிகளுக்கு இந்த உதவித்தொகை வழங்கப்பட்டுள்ளது.

அவ்வாறு செலுத்தப்பட்ட தொகை 48 மில்லியன் ரூபாவுக்கும் அதிகமாகும்.

மேலும், சுற்றுலா ஓட்டல் மேலாண்மை பயிற்சி நிறுவனத்தால் சுற்றுலா வழிகாட்டிகளுக்கு பதிவு செய்வது குறித்து பயிற்சி அளிக்கும் சிறப்பு நிகழ்ச்சித் திட்டம் செயல்படுத்தப்பட்டு வருவதாக அமைச்சர் தெரிவித்தார்.

இதுவரை 4,367 சுற்றுலா வழிகாட்டிகள் சுற்றுலா மேம்பாட்டு ஆணையத்தில் பதிவு செய்யப்பட்டுள்ளனர்.

இச்செய்திக்கு பிரதான அனுசரணை

வீடியோ இங்கே