போராட்டம் என்ற போர்வையில் இஸ்லாமிய தீவிரவாதத்தை ஊக்குவிக்கும் செயற்பாடு: ஞானசார தேரர் குற்றச்சாட்டு

போராட்டம் என்ற போர்வையில் "இஸ்லாமிய தீவிரவாதத்தை" நியாயப்படுத்தும் செயற்பாடு இடம்பெற்று வருவதாக பொதுபல சேனாவினால் வெளியிடப்பட்டுள்ள ஊடக அறிக்கையில் குறிப்பிடப்பட்டுள்ளது.

அவ்வறிக்கையில், 

தற்போது போராட்டம் என்ற போர்வையில் "இஸ்லாமிய தீவிரவாதத்தை" நியாயப்படுத்தும் செயற்பாடு இடம்பெற்று வருவதுடன் பொதுபல சேனாவின் தலைவர் கலகொட அத்தே ஞானசார தேரர் மற்றும் முழு மகா சங்கத்தினரையும் இலக்கு வைத்து கடுமையான தாக்குதல் நடத்தப்பட்டு வருகின்றது.

பொருளாதார நெருக்கடியால் அரசாங்கத்தை எதிர்க்கும் இளைஞர்களின் நோக்கத்தை சந்தர்ப்பவாத மதவெறியர்களும், பயங்கரவாதிகளும், சிங்கள பௌத்தத்தை வெறுக்கும் இந்த நாட்டில் உள்ளவர்களும் தமது இலக்குகளை அடைவதற்குப் பயன்படுத்துகின்றனர் என்பது இப்போது தெளிவாகியுள்ளது.

இலங்கையில் இஸ்லாமிய தீவிரவாதத்தை ஊக்குவிப்பதில் தீவிரமாக ஈடுபட்டு வரும் சலாபிஸ்டுகள், வஹாபிகள் மற்றும் ஜமாத்-இ-இஸ்லாமி செயற்பாட்டாளர்களை நாம் தற்போது அடையாளம் கண்டுள்ளோம்.

தீவிரவாதத்தை மறைக்க முழக்கப் போராட்டம் என்ற போர்வையில் சமூகமயமாக்கும் செயல்முறையும் உள்ளது.

2019 ஆம் ஆண்டு ஈஸ்டர் தினத்தன்று நடத்தப்பட்ட பயங்கரவாதத் தாக்குதல் நாட்டில் தீவிரமான இஸ்லாமிய தீவிரவாதத்தின் வன்முறையை அம்பலப்படுத்திய போதிலும், அரசியல் ஆதாயத்திற்காக இந்தத் தாக்குதலுக்கு சிங்கள அரசியல் தலைவர்களைக் குற்றம் சாட்டுவது எந்த அடிப்படையும் அற்றது.

2012ஆம் ஆண்டிலிருந்து இந்நாட்டில் செயற்படும் இஸ்லாமிய தீவிரவாதம் குறித்து எமது நாட்டுடன் பேசி வருகின்றோம்.

"ஒரே நாடு, ஒரே சட்டம்" நாட்டின் முன்னேற்றத்திற்காக அமல்படுத்தப்பட வேண்டும் என்று நாங்கள் வாதிட்டோம்.

2015ஆம் ஆண்டுக்கு முன்னர் எம்மை அழிப்பதற்காக பொதுபல சேனா அமைப்பினர் “நோர்வே சதி” மேற்கொண்டு வருவதாகவும் அது ராஜபக்ச ஆட்சிக்கு எதிரான சதி என்றும் குற்றம் சுமத்தப்பட்டது.

இப்போது அந்த குற்றச்சாட்டுகள் செல்லுபடியாகாமல் குப்பையில் போடப்பட்டுள்ளன.

இப்போது கட்சி பேதமின்றி நாடகம் ஆடும் பலர் அன்று கடுமையாக உழைத்து 2015 இல் “நல்லாட்சி” அரசாங்கம் ஆட்சிக்கு வந்தது.

அவர்கள் தமது பௌத்த எதிர்ப்புப் பேச்சுக்களை பொதுவெளியில் எந்தவித தயக்கமுமின்றி தீவிரமாக முன்னெடுத்தனர்.

தங்களை ஆட்சிக்கு கொண்டு வர உறுதுணையாக இருந்ததற்கு நன்றி தெரிவித்து, பட்டப்பகலில் தீவிரவாதிகளால் தொல்பொருள் இடங்கள் அழிக்கப்படும் என்று கோவிலில் பின் பெட்டியை வைத்து காத்திருந்தனர்.

உளவுத்துறை முற்றிலும் அழிக்கப்பட்டு முடங்கியது.

 இந்த முட்டாள்தனமான ஆட்சியால் எதிர்காலத்தில் வரப்போகும் அழிவை உணர்ந்து அதை எதிர்த்து கடுமையாகப் போராடினோம்.

 அவர்களிடமிருந்து வந்த அழுத்தம் மிகவும் அதிகமாக இருந்தது, நல்ல ஆட்சியாளர்களின் தலைமையிலான முஸ்லிம் அரசியல்வாதிகள் கூட பொதுபல சேனா தலைவர்களை சிறைகளில் சிக்க வைக்க காவல்துறையை வழிநடத்தினர்.

இறுதியில், ஞானசார தேரரை சிறையில் அடைத்துஇ தீவிரவாதத்தை பரப்பும் தமது பணியை சுதந்திரமாக முன்னெடுத்தனர்.

தற்போது மக்களை ஒடுக்கும் வகையில் நாட்டில் பொருளாதார நெருக்கடி உருவாகியுள்ளது. இதன் காரணமாக ஜனாதிபதி மற்றும் அனைத்து அமைச்சர்களுக்கும் எதிராக மக்கள் வீதியில் இறங்கி ஆர்ப்பாட்டத்தில் ஈடுபட்டுள்ளனர்.

எமது தாய்நாட்டை சீர்குலைக்க முயலும் சக்திகள் இந்த நெருக்கடியை அதிகளவில் பயன்படுத்திக் கொள்கின்றன.

பொருளாதார நெருக்கடியில் சிக்கித் தவிக்கும் அப்பாவி மக்களுக்கு இது தெரியாது. இன்று ஏற்பட்டுள்ள நிலைமையானது நாட்டின் ஸ்திரமற்ற எதிர்காலத்திற்கு வழிவகுத்துள்ளது.

எனவே, இத்தருணத்தில் தாய் மண்ணுக்கு எதிரான சக்திகளின் நோக்கங்களை முறியடிக்கும் வகையில் மக்களின் எரியும் பிரச்சினைகளுக்கு அரசாங்கம் உடனடியாக தீர்வுகாண வேண்டும் என்பதை நாங்கள் கடுமையாக வலியுறுத்துகிறோம் என  தெரிவிக்கப்பட்டுள்ளது.