புதிய அமைச்சரவை நாளை பதவியேற்பு? 20 ஆக மட்டுப்படுத்தப்பட்ட அமைச்சுப் பதவிகள்
பிரதமர் ரணில் விக்ரமசிங்க தலைமையிலான புதிய அரசாங்கத்தின் கீழ் அமைச்சரவை அமைச்சர்கள் குழுவொன்று நாளை சத்தியப்பிரமாணம் செய்யவுள்ளது.
இம்முறை ஜனாதிபதி மற்றும் பிரதமர் ஆகியோரின் மொத்த அமைச்சுப் பதவிகளின் எண்ணிக்கை 20 ஆக மட்டுப்படுத்தப்பட்டுள்ளது.
பிரதமர் ரணில் விக்கிரமசிங்கவின் கீழ் அமைச்சுப் பதவிகளை ஏற்க விரும்புவதாக ஸ்ரீலங்கா பொதுஜன பெரமுன அறிவித்ததை அடுத்து, மாகாண சபைகள் மற்றும் உள்ளூராட்சி அமைச்சராக தினேஸ் குணவர்தன நியமிக்கப்படவுள்ளார்
சுற்றுலாத்துறை அமைச்சராக பிரசன்ன ரணதுங்க, புதிய மின்சக்தி மற்றும் எரிசக்தி அமைச்சராக காஞ்சன விஜேசேகரவும் பதவிப் பிரமாணம் செய்து கொள்ளவுள்ளார்.
நாடாளுமன்ற அவைத் தலைவராகவும்இ புதிய அரசாங்கத்தின் தலைமைக் கொறடாவாகவும் தினேஷ் பதவி வகிக்க வேண்டும்.
அத்தியாவசியமான அமைச்சுக்கள் முதலில் நியமிக்கப்படும் பின்னர் ஏனைய அமைச்சுக்கள் நியமிக்கப்படும் எனத் தெரிவிக்கப்படுகிறது.
அடுத்த வாரம் பாராளுமன்றம் கூடியதன் பின்னர் பொதுஜன முன்னணியின் தேசியப் பட்டியல் எம்.பி.க்கள் பலர் பதவி விலகி, அவர்களுக்குப் பதிலாக ஐ.தே.க எம்.பி.க்கள் அமைச்சர்களாக பதவியேற்பார்கள் என்று நம்பப்படுகிறது.
இதன்படி, அகில விராஜ், வஜிர அபேவர்தன, சாகல ரத்நாயக்க, ரங்கே பண்டார மற்றும் ருவான் விஜேவர்தன ஆகியோர் இரண்டாம் சுற்று அமைச்சர்களாக பதவியேற்க வாய்ப்புள்ளது.
இதன்படி, முதல் 5 அமைச்சுப் பதவிகளுக்கும், இரண்டாவது 5 அமைச்சுப் பதவிகளுக்கும் பின்னர் 10 இடங்கள் வெற்றிடமாகும்.
ஸ்ரீலங்கா சுதந்திரக் கட்சியில் இருந்தும் கமகி ஜனபலவேக கட்சியிலிருந்து வருபவர்களுக்கு அமைச்சுப் பதவிகள் கிடைக்கும்.
கட்சி சார்பற்ற புத்திஜீவிகளை தேசியப் பட்டியலில் இருந்து கொண்டு அல்லது அமைச்சுப் பதவிகள் வழங்கப்பட வேண்டும் என போராட்டத்தில் ஈடுபட்டுள்ள மகாசங்கத்தினர் உள்ளிட்டோர் முன்வைத்த சாதகமான ஆலோசனைகள் கவனத்தில் கொள்ளப்படுவதாக இதுவரை தெரிவிக்கப்படவில்லை.
ரணில் விக்கிரமசிங்க பிரதமராவதற்கு முன்னர் ஜனாதிபதியிடம் முன்வைத்த நிபந்தனைக்குட்பட்ட கோரிக்கையே பெரும்பான்மையை அமைக்குமாறு வேண்டுகோள் விடுப்பதாகவும் அனைத்து பிரச்சினைகளுக்கும் தனது சொந்த அறிவுத்திறன் மூலம் தீர்வு காண முடியும் என மிகைப்படுத்தப்பட்ட யோசனையை அவர் தெரிவித்துள்ளதாக தெரிவிக்கப்பட்டுள்ளது.
இம்முறை அதிகளவான நிறுவனங்களைக் கொண்ட பெரிய அமைச்சுக்களுக்கு மாத்திரம் பிரதி அமைச்சர்கள் நியமிக்கப்படவுள்ளதாகவும், தகவல்கள் தெரிவிக்கின்றன.
