புதிய கோவிட் திரிபு 2023 இல் பல தாக்கங்களை ஏற்படுத்தும்: நிபுணர்கள் எச்சரிக்கை

புதிய கோவிட் மாறுபாட்டினால் 2023 ஆம் ஆண்டு பல தாக்கங்களை ஏற்படுத்தும் என நிபுணர்கள் எச்சரிக்கை விடுத்துள்ளனர்.

லண்டன் கிங்ஸ் கல்லூரியின் மரபணு தொற்றுநோயியல் பேராசிரியரான டிம் ஸ்பெக்டர், அமெரிக்காவில் ஒரு வாரத்தில் கோவிட் தாக்கம்  இருமடங்காக அதிகரித்துள்ளதாக ஒரு விஞ்ஞானி கூறியதை அடுத்து, ஓமிக்ரான் மாறுபாடு தொடர்பில் விளக்கமளித்துள்ளார்.  

அமெரிக்காவில் கோவிட் தாக்கம்  அதிகரித்த பிறகு இந்த ஆண்டு  ஒரு புதிய கோவிட் மாறுபாடு இருக்கக்கூடும் என்று அவர்  கூறியுள்ளார்.

கடந்த வெள்ளிக்கிழமை முதல் நோய் கட்டுப்பாடு மற்றும் தடுப்பு மையங்களின் (CDC) தரவுகளின்படி, அமெரிக்காவில் 40% க்கும் அதிகமான COVID  தாக்கங்கள்  XBB.1.5 மாறுபாட்டால் ஏற்படுகின்றன.

அமெரிக்காவின் வடகிழக்கில், உறுதிப்படுத்தப்பட்ட  கோவிட் நோயாளிகள்  சுமார் 75%  என்று தெரிவிக்கப்பட்டுள்ளது.

அமெரிக்க விஞ்ஞானி எரிக் டோபோல், இது இப்போது அனைத்து வகைகளிலும் தாக்கத்தினை ஏற்படுத்தும்  என்றும்   ஓமிக்ரான் ஒரு வருடத்திற்கு முன்பு தோன்றியதிலிருந்து அதன்  மாறுபாட்டின் விரைவான வளர்ச்சியை நாங்கள் காணவில்லை  என்றும் கூறினார்.

இதற்கு பதிலளிக்கும் விதமாக, COVID Zoe செயலியின் நிறுவனர் பேராசிரியர் ஸ்பெக்டர் தெரிவிக்கையில்  "XBB 2023 இல் கவனிக்க வேண்டிய புதிய மாறுபாடாக இருக்கலாம்." என்று கூறியுள்ளார்.

XBB.1.5 என்பது Omicron XBB இன் மாற்றப்பட்ட பதிப்பாகும், இது ஆகஸ்ட் மாதம் இந்தியாவில் முதன்முதலில் கண்டறியப்பட்டமை குறிப்பிடத்தக்கது.