நானுஓயா விபத்தில் சிக்கியவர்களை விமானம் மூலம் கொழும்புக்கு அழைத்து வருமாறு ஜனாதிபதி விமானப்படைக்கு பணிப்புரை

நானுஓயாவில் இடம்பெற்ற விபத்தில் காயமடைந்த மாணவர்களுக்கு தேவையான அனைத்து உதவிகளையும் வழங்குமாறும், தீவிர சிகிச்சையில் உள்ளவர்களை விமானப்படையினர் விமானம் மூலம் கொழும்புக்கு அழைத்து வருமாறும் ஜனாதிபதி ரணில் விக்கிரமசிங்க உரிய அதிகாரிகளுக்கு பணிப்புரை விடுத்துள்ளதாக ஜனாதிபதி ஊடகப் பிரிவு தெரிவித்துள்ளது.

நுவரெலியா நானுஓயா வீதியில் பஸ், முச்சக்கர வண்டி மற்றும் வான் மோதி  விபத்து ஒன்று இடம்பெற்றுள்ளதுடன், ஏழு சடலங்கள் மீட்கப்பட்டுள்ளதாகவும், பலர் காயமடைந்துள்ளதாகவும் தெரிவிக்கப்பட்டுள்ளது.

  குறித்த பஸ்ஸில் கல்விச் சுற்றுலா சென்ற கொழும்பு தர்ஸ்டன் கல்லூரி மாணவர்கள் பயணித்துள்ளனர்.

சடலங்கள் தற்போது நுவேரா எலியா வைத்தியசாலையில் வைக்கப்பட்டுள்ள நிலையில் மீட்புப் பணிகள் தொடர்ந்தும் இடம்பெற்று வருகின்றன.

பஸ் கட்டுப்பாட்டை இழந்து முச்சக்கர வண்டி மீதும், பின்னர் வேன் மீதும் மோதியதில் இந்த விபத்து ஏற்பட்டுள்ளதாக ஆரம்பகட்ட விசாரணையில் தெரியவந்துள்ளது. அப்போது பேருந்து பள்ளத்தில் கவிழ்ந்தது.

முச்சக்கர வண்டி சாரதியும் வேனில் பயணித்த ஆறு பேரும் இதுவரை உயிரிழந்துள்ளதாக உறுதிப்படுத்தப்பட்டுள்ளனர். பேருந்தில் 41 மாணவர்கள் பயணித்துள்ளனர்.

இச்செய்திக்கு பிரதான அனுசரணை

வீடியோ இங்கே