தேசிய பட்டியல் மூலம் பாராளுமன்ற உறுப்பினர் பதவியை ஏற்கப் போவதில்லை: மறுக்கும் ஆணைக்குழுவின் தலைவர்

அரசியல்வாதிகள் மக்களுக்காக உண்மையாக உழைக்கின்றார்களா என்பது தெரியாது என  பொதுப் பயன்பாட்டு ஆணைக்குழுவின் தலைவர் ஜானக ரத்நாயக்க   தெரிவித்துள்ளார்.

இலங்கை பொதுப் பயன்பாடுகள் ஆணைக்குழுவின் தலைவர் குறிப்பிட்ட அரசியல் கட்சியொன்றின் தேசிய பட்டியல் பாராளுமன்ற உறுப்பினராக பதவிப்பிரமாணம் செய்ய உள்ளதாக அமைச்சர் காஞ்சன விஜேசேகர நேற்று (08) பாராளுமன்றத்தில்  கூறியிருந்தார்.
 
 இந்தக் கருத்திற்கு பொதுப் பயன்பாட்டு ஆணைக்குழுவின் தலைவர் ஜானக ரத்நாயக்க   கண்டனம் தெரிவித்திருந்தார்.

எந்தவொரு அரசியல் கட்சியிலிருந்தும் தேசியப் பட்டியல் பாராளுமன்ற உறுப்பினர் பதவியை ஏற்கப் போவதில்லை என  ஜனக ரத்நாயக்க தெரிவித்துள்ளார்.

அமைச்சரின் அறிக்கையானது இலங்கையின் ஒரு பொதுவான அரசியல்வாதியின் சிறந்த உதாரணம் என்று குறிப்பிட்ட ஜனக ரத்நாயக்க, “அவர்கள் மறைமுக நிகழ்ச்சி நிரலைக் கொண்டிருப்பதால் மக்களுக்காக மட்டுமே பணியாற்றுகிறார்கள். ஆனால் நான் மக்களுக்காக ஒரு உண்மையான நோக்கத்துடன் பணியாற்றுகிறேன், அதை அவர்களால் கூட நம்ப முடியாது..” எனத் தெரிவித்திருந்தார்.

இச்செய்திக்கு பிரதான அனுசரணை

வீடியோ இங்கே