நெல் கொள்வனவிற்காக மூன்று பில்லியன் ரூபா ஒதுக்கியுள்ள அரசாங்கம்!

2022/23 பருவத்தில் நெல் கொள்வனவு செய்வதற்கான ஏற்பாட்டிற்காக அரசாங்கம் மேலும் மூன்று பில்லியன் ரூபாவை ஒதுக்கியுள்ளதாக விவசாய அமைச்சர் மஹிந்த அமரவீர தெரிவித்தார்.

இதற்கு முன்னர் நெல் கொள்வனவுக்காக அரசாங்கம் 10 பில்லியன் ரூபாவை ஒதுக்கியதாகவும், முழுத் தொகையும் கொள்வனவு செய்யப்பட்டதாகவும் அமைச்சர் தெரிவித்தார்.

நெல் கொள்வனவு செய்வதற்கு தேவையான மேலதிக நிதியை வழங்குவதற்கு ஜனாதிபதி ரணில் விக்கிரமசிங்க இணக்கம் தெரிவித்ததாகவும், அதற்கமைவாக அமைச்சரவைக் கூட்டத்தில் மேலும் மூன்று பில்லியன் ரூபாவை நெல் கொள்வனவுக்காக வழங்க நடவடிக்கை எடுக்கப்பட்டுள்ளதாகவும் விவசாய அமைச்சர் தெரிவித்தார்.

அதிக பருவத்தில் நெல் கொள்வனவுகளை நெல் சந்தைப்படுத்தல் சபையினால் அன்றி மாவட்ட செயலாளர்கள் மற்றும் பிரதேச செயலாளர்கள் மூலம் நடைமுறைப்படுத்துவதற்கு அமைச்சரவை தீர்மானித்திருந்தது.

இச்செய்திக்கு பிரதான அனுசரணை

வீடியோ இங்கே