கங்குவா படத்தில் அதிரடி அப்டேட் படக்குழு அறிவிப்பு

நடிகர் சூர்யா தற்போது சிவா இயக்கத்தில் "கங்குவா" என்ற படத்தில் நடித்து வருகிறார். இப்படத்தை ஸ்டுடியோ கிரீன் மற்றும் யுவி கிரியேஷன்ஸ் இணைந்து தயாரிக்கிறது. இப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர்.

தேவி ஸ்ரீ பிரசாத் இசையமைக்கும் இப்படம் 3டி முறையில் சரித்திர படமாக 10 மொழிகளில் வெளியாகவுள்ளது. சமீபத்தில் 'கங்குவா' படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டரை வெளியிட்டு ரசிகர்களை கவர்ந்தது.

இதையடுத்து, "கங்குவா" படத்தின் புதிய அறிவிப்பு இன்று காலை 11 மணிக்கு வெளியாகவுள்ளதாக படக்குழு அறிவித்திருந்தது. அதன்படி, இப்படத்தின் கிளிம்ப்ஸ் வீடியோ காட்சியை சூர்யாவின் பிறந்தநாளான 23ஆம் தேதி வெளியிட உள்ளதாக படக்குழுவினர் போஸ்டரை வெளியிட்டு அறிவிப்பு வெளியிட்டுள்ளனர். இந்த போஸ்டரை ரசிகர்கள் இணையத்தில் வைரலாக்கி வருகின்றனர்.