டெல்லி விமான நிலையத்தில் ரூ.10 கோடி மதிப்பிலான வெளிநாட்டு கரன்சிகள் பறிமுதல்

டெல்லி இந்திரா காந்தி சர்வதேச விமான நிலையத்தின் 3-வது முனையத்தில் விமான நிலைய சுங்க அதிகாரிகள் சோதனையில் ஈடுபட்டனர். கடந்த 21ம் தேதி பயணிகளாக வந்த தஜிகிஸ்தான் நாட்டை சேர்ந்த 3 பேரும் வந்தடைந்தனர்.

அவர்கள் மூவரும் இஸ்தான்புல் நகருக்கு செல்வதற்காக காத்திருந்தனர். அவர்களிடம் நடந்த சோதனையில் போது வெளிநாட்டு நாணயங்கள் பறிமுதல் செய்யப்பட்டன.

அவற்றில் 7.2 லட்சம் அமெரிக்க டாலர்கள் மற்றும் 4 லட்சத்து 66 ஆயிரத்து 200 யூரோக்கள் என மொத்தம் இந்திய மதிப்பில், 10 கோடியே 6 லட்சத்து 78 ஆயிரத்து 500 ரூபாய் பறிமுதல் செய்யப்பட்டது.

சுங்கச் சட்டம், 1962, பிரிவு 110ன் கீழ் அதிகாரிகள் கைப்பற்றிய அதிகபட்ச தொகை இதுவாகும், மேலும் அவர்கள் தற்போது தொடர்ந்து விசாரணை நடத்தி வருகின்றனர்.