இன்று முதல் அடுத்த 6 நாட்களுக்கு கர்நாடகாவில் கனமழைக்கு வாய்ப்பு

கடந்த ஆண்டு ஜூன் மாதம் கர்நாடகாவில் தென்மேற்கு பருவமழை தொடங்கியது, ஆனால் அந்த மாதத்தில் எதிர்பார்த்த மழை பெய்யாததால் மாநிலத்தில் வறட்சி ஏற்பட்டது. இதனால், அணைகளுக்கு நீர்வரத்து குறைந்து, தண்ணீர் தட்டுப்பாடு ஏற்படும் அபாயம் ஏற்பட்டுள்ளது. இந்த சூழ்நிலையில், தென்மேற்கு பருவமழை அடுத்த மாதம், அதாவது ஜூலை மாதம் தீவிரமடைந்தது.

இதனால் மாநிலத்தில் கடலோர மாவட்டங்களான தட்சிண கன்னடா, உடுப்பி, உத்தரகன்னடா, மலைநாடு மாவட்டமான சிக்கமகளூரு, சிவமொக்கா, ஹாசன் மற்றும் குடகு, வடகர்நாடக மாவட்டமான பெலகாவி, கதக், தார்வார், யாதகிரி உள்ளிட்ட பகுதிகளில் கனமழை கொட்டி தீர்த்தது. இதனால், ஆறுகள் நிரம்பியதால், அணைகளின் நீர்மட்டம் கணிசமாக உயர்ந்தது. ஏராளமான வீடுகள் இடிந்து, குடியிருப்பு பகுதிகள் வெள்ளத்தில் மூழ்கியதால், பெரும் சேதம் ஏற்பட்டது.

இந்நிலையில், கடந்த சில நாட்களாக மழையின் அளவு குறைந்துள்ளது. மாநிலத்தின் எந்தப் பகுதியிலும் மிகக்குறைவான மழைப்பொழிவு உள்ளது. இந்நிலையில், கர்நாடகாவில் இன்று (புதன்கிழமை) தொடங்கி 7ஆம் தேதி வரை அடுத்த 6 நாட்களுக்கு கனமழை பெய்யும் என வானிலை ஆய்வு மையம் தெரிவித்துள்ளது. இதுகுறித்து வானிலை ஆய்வு மையம் வெளியிட்டுள்ள செய்திக்குறிப்பில் கூறப்பட்டுள்ளதாவது

வடக்கு உள்மாவட்டங்களில் சில இடங்களிலும், தெற்கு உள்மாவட்டங்களில் பல இடங்களிலும் கனமழை பெய்யும்.

பெங்களூருவை பொறுத்தவரை வானம் மேகமூட்டத்துடன் காணப்படும். மேகமூட்டத்துடன் காணப்படும், லேசானது முதல் மிதமான மழை பெய்ய வாய்ப்புள்ளது.

இச்செய்திக்கு பிரதான அனுசரணை

வீடியோ இங்கே