முதல் 20 ஓவர் போட்டி இந்தியா-அயர்லாந்து நாளை மோதல்

இந்தியா மற்றும் அயர்லாந்து அணிகளுக்கு இடையிலான முதல் டி20 கிரிக்கெட் போட்டி நாளை நடைபெறவுள்ளது.

இந்திய அணி மேற்கிந்திய தீவுகள் நாட்டில் சுற்றுப் பயணம் செய்து விளயாடியது. டெஸ்ட், ஒருநாள் மற்றும் டி20 என மூன்று வடிவிலான தொடர்களும் நடைபெற்ற நிலையில், அதில் டெஸ்ட் மற்றும் ஒருநாள் தொடரில் இந்திய அணி வெற்றி பெற்றது. ஆனால் டி20 தொடரில் மேற்கிந்திய தீவுகள் அணி 3க்கு2 என்ற கணக்கில் தொடரை கைப்பற்றியது. இதனையடுத்து மேற்கிந்திய தீவுகள் சுற்றுப்பயணத்தை நிறைவு செய்த இந்திய அணி அயர்லாந்து நாட்டிற்கு சுற்றுப் பயணம் செய்துள்ளது. அந்த அணியுடன் இந்திய அணி 3 போட்டிகள் கொண்ட டி20 தொடரில் விளையாடவுள்ளது.

இந்த தொடரில் இந்திய அணியின் முன்னணி டி20 வீரர்களான ஹர்திக் பாண்டியா, சூர்யகுமார் யாதவ், சுப்மன் கில் உள்ளிட்ட முன்னணி வீரர்களுக்கு ஓய்வு அளிக்கப்பட்டுள்ளது. பும்ரா தலைமையில் அயர்லாந்து சென்றுள்ள இந்திய அணிக்கு ருத்ராஜ் கெய்க்வாட் துணை கேப்டனாக நியமிக்கப்பட்டுள்ளார். இந்த அணியில் ஜெய்ஸ்வால், திலக் வர்மா, ரிங்கு சிங், வாஷிங்டன் சுந்தர், ஷிவம் துபே உள்ளிட்ட இளம் வீரர்கள் இடம்பெற்றுள்ளனர். இந்த நிலையில், இந்தியா மற்றும் அயர்லாந்து அணிகளுக்கு இடயிலான முதல் டி20 போட்டி நாளை இரவு 7.30 மணிக்கு நடைபெறவுள்ளது.

இச்செய்திக்கு பிரதான அனுசரணை

வீடியோ இங்கே