தென்னாப்பிரிக்கா கிரிக்கெட்டின் மகளிர் அணிக்கான சம்பள அறிவிப்பு ஆண்கள் அணிக்கு இணையான அளவில் உள்ளது

சர்வதேச கிரிக்கெட் கவுன்சில் (ஐசிசி) அனைத்து கிரிக்கெட் வீரர்களுக்கும் சர்வதேச போட்டிகளுக்கு சமமான ஊதியம் வழங்கப்படும் என்று அறிவித்தது. இதன் விளைவாக, தென்னாப்பிரிக்க கிரிக்கெட் வாரியம், எந்த விதமான பாலின பாகுபாடுகளையும் தடுக்கும் நோக்கில், ஆண்கள் அணிக்கு இணையான இழப்பீடு பெண்கள் அணிக்கும் வழங்கப்படும் என்று அறிவித்துள்ளது. ஆண் மற்றும் பெண் வீரர்களுக்கு சமமான ஊதியத்தை உறுதி செய்வதில் தென்னாப்பிரிக்கா இப்போது நியூசிலாந்து மற்றும் இந்தியாவுடன் இணைந்துள்ளது. இந்த ஆண்டின் தொடக்கத்தில் ஐசிசியின் குறிப்பிடத்தக்க அறிவிப்பைத் தொடர்ந்து இந்த முடிவு எடுக்கப்பட்டது, இது ஐசிசி போட்டிகளில் பங்கேற்கும் ஆண்கள் மற்றும் பெண்கள் அணிகளுக்கு சமமான பரிசுத் தொகையை உறுதி செய்தது. தென்னாப்பிரிக்க மகளிர் அணி கடந்த 2022 ஆம் ஆண்டு நியூசிலாந்தில் நடைபெற்ற ஐசிசி மகளிர் கிரிக்கெட் உலகக் கோப்பையின் அரையிறுதிப் போட்டியை எட்டியது. மேலும் இந்த ஆண்டின் தொடக்கத்தில் ஐசிசி மகளிர் டி20 உலகக் கோப்பையின் இறுதிப் போட்டி வரை முன்னேறி அசத்தியது. இதனால் தென்னாப்பிரிக்க பெண்கள் கிரிக்கெட்டை மேலும் மேம்படுத்த இந்த முடிவு எடுக்கப்பட்டுள்ளதாக தென்னாப்பிரிக்கா கிரிக்கெட் வாரியத்தின் தலைமை நிர்வாக அதிகாரி போலெட்சி மொசெகி தெரிவித்துள்ளார்.

இச்செய்திக்கு பிரதான அனுசரணை

வீடியோ இங்கே