விஜய் நடித்துள்ள 'லியோ' திரைப்படத்தின் இரண்டாவது பாடல் குறித்த அறிவிப்பு வெளியானது!

லோகேஷ் கனகராஜ் இயக்கத்தில் விஜய் நடிப்பில் உருவாகி வரும் படம் லியோ. இப்படத்தை செவன் ஸ்கிரீன் ஸ்டுடியோஸ் சார்பில் லலித் குமார் தயாரித்துள்ளார். இப்படத்தில் அர்ஜுன், சஞ்சய் தத், த்ரிஷா, பிரியா ஆனந்த், மன்சூர் அலிகான், மிஷ்கின், கவுதம் வாசுதேவ் மேனன், சாண்டி, மேத்யூ தாமஸ் மற்றும் பலர் நடித்துள்ளனர்.

'லியோ' படத்துக்கு அனிருத் இசையமைக்கிறார். இந்த படத்தின் படப்பிடிப்பு முடிந்து தற்போது போஸ்ட் புரொடக்ஷன் பணிகள் நடைபெற்று வருகின்றன. 'லியோ' படத்தின் ரிலீஸ் தேதி அக்டோபர் 19ஆம் தேதி அறிவிக்கப்பட்டுள்ளது.ஆனால், படத்தின் இசை வெளியீட்டு விழாவை நடத்த வேண்டாம் என தயாரிப்பு நிறுவனம் முடிவு செய்துள்ளது.

முன்னதாக, நடிகர் விஜய்யின் பிறந்தநாளில் 'லியோ' படத்தின் முதல் பாடல் வெளியிடப்பட்டது. தற்போது 'லியோ' படத்தின் இரண்டாவது பாடல் அறிவிப்பு வெளியாகியுள்ளது. அதன்படி, 'பேடஸ்' என்ற பாடல் நாளை வெளியாகும் என்று அறிவிக்கப்பட்டுள்ளது. இந்த பாடலை விஷ்ணு எடவன் எழுதியுள்ளார்.