காற்று மாசுபாட்டால் டெல்லியில் இரண்டு நாட்களுக்கு பாடசாலைகளை மூட தீர்மானம்

இந்தியாவின் தலைநகர் டெல்லியில் காற்று மாசு அளவு மோசமடைந்து வருவதால், இரண்டு நாட்களுக்கு அனைத்து தொடக்கப் பாடசாலைகளையும் அதிகாரிகள் மூட தீர்மானித்துள்ளதாக இந்திய ஊடகங்கள் செய்தி வெளியிட்டுள்ளன.

அதன்படி, இந்த காலாண்டில் நகரின் காற்றின் தரம் முதல் முறையாக கடுமையான நிலைக்கு குறைந்துள்ளது எனவும் தெரிவிக்கப்பட்டுள்ளது. எதிர்வரும் இரண்டு வாரங்களில் இது மோசமடையும் என்று இந்திய விஞ்ஞானிகள் கூறுகின்றனர்.

இந்நிலையில் நிலைமையை ஆய்வு செய்ய டெல்லி சுற்றுச்சூழல் அமைச்சர் அவசர கூட்டத்தை ஏற்பாடு செய்துள்ளதாக தகவல் வெளியாகியுள்ளது. உலகின் மிகவும் மாசுபட்ட நகரங்களில் டெல்லியும் ஒன்று. விவசாயிகள் எரிப்பது, குறைந்த காற்றின் வேகம் மற்றும் பண்டிகை காலங்களில் பட்டாசு வெடிப்பது உள்ளிட்ட பல்வேறு காரணங்களால் இவ்வாறு நடைபெறுகிறது.

இதேவேளை, அண்மைய மாநிலங்களான பஞ்சாப் மற்றும் ஹரியானாவில் மரக்கன்றுகளை எரிக்கும் சம்பவங்கள் அதிகரித்து வருவதால், நவம்பர் மாதம் முதலாம் திகதி முதல் 15ம் திகதி வரை டெல்லியில் காற்று மாசுபாடு அதிகரிக்கும் என ஆய்வுகள் தெரிவிக்கின்றன.

இந்நிலையில், டெல்லியில் காற்று மாசு அதிகரித்து வருவதால், அனைத்து அரசு மற்றும் தனியார் தொடக்கப் பாடசாலைகளுக்கு வெள்ளி மற்றும் சனிக்கிழமை விடுமுறை அளிக்கப்படும் என அறிவிப்பு விடுக்கப்பட்டுள்ளது.

அதிகரித்து வரும் மாசுபாட்டின் விளைவுகளை எதிர்த்து, நகரத்தில் அத்தியாவசியமற்ற கட்டுமானப் பணிகளை உடனடியாகத் தடை செய்ய உத்தரவிடப்பட்டுள்ளது. மேலும், டெல்லி மெட்ரோ மற்றும் மின்சார பேருந்து சேவைகள் அனைத்து பொது போக்குவரத்து சேவைகளிலும் வாகனங்களில் இருந்து தீங்கு விளைவிக்கும் உமிழ்வைக் கட்டுப்படுத்த அறிவுறுத்தப்பட்டுள்ளது.

 எவ்வாறாயினும், இந்த மாசுபட்ட காற்று ஒவ்வொரு ஆண்டும் டெல்லி மக்களுக்கு கடுமையான உடல்நலப் பிரச்சினைகளை ஏற்படுத்துகின்றமை குறிப்பிடத்தக்கது.