விஜயகாந்த் குறித்து தமிழக அரசிடம் வேண்டுகோள் விடுத்த நடிகர்

தமிழ் சினிமாவிலும் அரசியலிலும் தனக்கான இடத்தை பிடித்தவர் விஜயகாந்த். கடந்த சில வருடங்களாக உடல் நலக்குறைவினால் பாதிக்கப்பட்டிருந்த விஜயகாந்த் அரசியல் மற்றும் சினிமாவில் இருந்து விலகினார். 

இவர் கடந்த டிசம்பர் 28-ந் தேதி உடல் நலக்குறைவினால் காலமானார். இவரது மறைவு தமிழகம் முழுவதும் உள்ள மக்களை பெரிதும் பாதித்தது. இவரின் உடலுக்கு அஞ்சலி செலுத்த லட்சக்கணக்கான மக்கள் திரண்டனர்.

இந்நிலையில், மறைந்த நடிகர் விஜயகாந்திற்கு மணிமண்டபம் கட்ட வேண்டும் என்று தமிழக அரசிற்கு நடிகர் சவுந்தர ராஜா கோரிக்கை விடுத்துள்ளார். 

இது தொடர்பாக அவர் மாலை மலருக்கு அளித்துள்ள பிரத்யேக பேட்டியில், "மனித நேயம் உள்ள ஒரு மாமனிதன். மக்கள் மனதில் இடம் பிடித்த 'கேப்டன்' விஜயகாந்திற்காக அவரின் சொந்த ஊரான மதுரையில் ஒரு மணிமண்டபம் கட்ட வேண்டும்,

அவரின் மக்கள் பணி, படங்கள் எல்லாவற்றையும் ஒரு டிஜிட்டல் நூலகமாக வைத்து வருங்கால தலைமுறைக்கு எடுத்துக்காட்டாக இருக்கும்படி இந்த மணிமண்டபம் கட்ட வேண்டும் என்று தமிழ அரசிடம் தாழ்மையுடன் கேட்டுக் கொள்கிறேன் என்றார்.