ஊவா மாகாணத்தில் உள்ள அனைத்துப் பாடசாலைகளையும் டிசம்பர் 29 ஆம் திகதி மீண்டும் திறக்க முடிவு செய்யப்பட்டுள்ளதாக கல்வி அமைச்சின் செயலாளர் நலக கலுவேவே தெரிவித்தார். 

தனியார் ஊடகம் ஒன்றுக்கு இன்று பேட்டியளித்த அவர், இதனை அறிவித்துள்ளார். 

இதற்கிடையில்,  ஒத்திவைக்கப்பட்ட க.பொ.த உயர்தரப் பரீட்சை மேலும் ஏழு நாட்களுக்கு நடத்த திட்டமிடப்பட்டுள்ளதாகக்  பரீட்சைகள் ஆணையர் நாயகம் இந்திகா குமாரி லியனகே குறிப்பிட்டார். 

 பரீட்சைகள் ஜனவரி 12 முதல் ஜனவரி 20, 2026 வரை நடைபெறும் என்று அவர் விளக்கினார். 

 எதிர்வரும் நாட்களில் குறைந்தது ஒரு பாடத்திற்கு 202,627 மாணவர்கள் எழுதுவார்கள் என்று தேர்வு ஆணையர் தெரிவித்தார். 

தற்போதைய பேரிடர் சூழ்நிலை காரணமாக மாற்று பரீட்சை மையம் தேவைப்பட்டால், பாடசாலை முதல்வர் மூலம் தேர்வு துறைக்கு அறிவிக்க வேண்டும் என்றும் அவர் வலியுறுத்தியுள்ளார். 

மேலும், தனியார் பரீட்சார்த்திகள் மாற்று தேர்வு மையத்தை கோர 1911, 0112 784 208, 0112 784 537, அல்லது 0112 788 616 என்ற எண்களில் நேரடியாக தேர்வுத் துறையைத் தொடர்பு கொள்ளலாம் என்றும் அவர் குறிப்பிட்டார்.

லங்கா4 (Lanka4)

(வீடியோ இங்கே )

அனுசரணை

.