ரைட்-ஹெய்லிங் செயலிகளைப் பயன்படுத்தும் டாக்ஸி ஓட்டுநர்கள் மனித உரிமைகள் ஆணையத்தில் முறைப்பாடு!

ரைட்-ஹெய்லிங் செயலிகளைப் பயன்படுத்தும் டாக்ஸி ஓட்டுநர்கள், தாங்கள் எதிர்கொள்ளும் அநீதிகள் குறித்து இலங்கை மனித உரிமைகள் ஆணையத்தில் (HRCSL) இன்று (29) முறைப்பாடு அளித்துள்ளனர். 

 இந்தப் முறைப்பாடு, எல்லவில் சமீபத்தில் நடந்த ஒரு சம்பவத்தை அடிப்படையாகக் கொண்டது, அந்தப் பகுதியில் இயங்கும் முச்சக்கர வண்டி  ஓட்டுநர்களில் ஒருவர் அச்சுறுத்தப்பட்டதாகக் கூறப்படுகிறது. 

 நாட்டின் பல பகுதிகளில் உள்ள முச்சக்கர வண்டி ஓட்டுநர்கள் செயலி அடிப்படையிலான பயணிகள் போக்குவரத்து சேவைகளுக்கு எதிராக எதிர்ப்பு தெரிவித்து வருகின்றனர். 

இந்த சேவைகளால் வசூலிக்கப்படும் குறைந்த கட்டணங்கள் தங்கள் வாழ்வாதாரத்தை அச்சுறுத்துவதாக அவர்கள் கூறுகின்றனர். 

அதன்படி, எல்ல, வெலிகம மற்றும் சிகிரியா உள்ளிட்ட நாட்டின் பல்வேறு பகுதிகளில் அவர்கள் போராட்டங்களை நடத்தியுள்ளனர். இந்தப் பின்னணியில், செயலி அடிப்படையிலான பயணிகள் போக்குவரத்து சேவைகளில் ஈடுபட்டுள்ள ஓட்டுநர்கள் குழு ஒன்று இன்று இலங்கை மனித உரிமைகள் ஆணையத்தில்  முறைப்பாடு அளித்துள்ளது..