தீவிரவாதக் குழுக்களுக்கு நிதியளித்த பிரெஞ்சு சீமெந்து நிறுவனம்
சிமென்ட் குழுமமான லஃபார்ஜ், தனது சிரிய துணை நிறுவனம் மூலம் “பயங்கரவாதத்திற்கு” நிதியளித்ததாக பிரெஞ்சு நீதிமன்றம் தீர்ப்பளித்துள்ளது.
மேலும், அந்நிறுவனத்திற்கு அபராதம் விதித்து, அதன் முன்னாள் தலைமைச் செயல் அதிகாரியைச் சிறையில் அடைத்துள்ளது.
2013 முதல் 2014ம் ஆண்டுகளில் சிரியாவில் நடந்த உள்நாட்டுப் போரின்போது, வடக்கு சிரியாவில் செயல்படுவதற்காக, லஃபார்ஜ் நிறுவனம் ஐஎஸ்ஐஎல் மற்றும் பிற ஆயுதக் குழுக்களுக்கு நேரடியாகப் பாதுகாப்புப் பணம் வழங்கியதாகவும் ஐரோப்பியத் தடைகளை மீறியதாகவும் பாரிஸ் நீதிமன்றம் தீர்ப்பளித்தது.
லஃபார்ஜ் நிறுவனத்திற்கு 1.12 மில்லியன் யூரோக்கள் ($1.32 மில்லியன்) அபராதம் விதிக்கவும் அதன் 30 மில்லியன் யூரோக்கள் ($35.1 மில்லியன்) மதிப்புள்ள சொத்துக்களைப் பறிமுதல் செய்யவும் நீதிமன்றம் உத்தரவிட்டது.
லஃபார்ஜ் நிறுவனத்தின் எட்டு முன்னாள் ஊழியர்கள் "பயங்கரவாத" அமைப்புகளுக்கு நிதியளித்த குற்றத்திற்காகக் குற்றவாளிகளாகக் கண்டறியப்பட்டனர்.
அவர்களில், ஆறு ஆண்டுகள் சிறைத்தண்டனை விதிக்கப்பட்ட முன்னாள் தலைமை நிர்வாக அதிகாரி புருனோ லஃபோன்ட்டும் ஒருவர் நிறுவனத்தின் முன்னாள் துணை நிர்வாக இயக்குநர் கிறிஸ்டியன் ஹெரால்ட்டுக்கு ஐந்து ஆண்டுகள் சிறைத்தண்டனை விதிக்கப்பட்டது.
மற்ற முன்னாள் ஊழியர்களுக்கு அபராதங்களும், ஒன்று முதல் ஏழு ஆண்டுகள் வரையிலான சிறைத் தண்டனைகளும் வழங்கப்பட்டன.
(வீடியோ இங்கே )
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
