தமிழக வெற்றிக் கழகம் ஆட்சியமைப்பதற்குத் திராவிட முன்னேற்றக் கழகம் எந்தவிதமான இடையூறுகளையும் ஏற்படுத்தாது என்று திமுக தலைவரும், தமிழக முதல்வருமான மு.க.ஸ்டாலின் தெரிவித்துள்ளார்.

இந்திய ஆங்கில நாளிதழ் ஒன்றிற்கு வழங்கிய சிறப்பு நேர்காணலில் அவர் இதனைத் தெளிவுபடுத்தியுள்ளார். இது குறித்த முக்கிய மக்கள் ஒரு மாற்றத்தை விரும்பும் பட்சத்தில், தமிழக வெற்றிக் கழகம் ஆட்சியமைக்க திமுக தடையாக இருக்காது என்று அவர் குறிப்பிட்டுள்ளார்.

ஒருமுறை தேர்தல் முடிந்து ஆட்சி மாற்றம் ஏற்படும் சூழல் உருவானால், மீண்டும் ஒரு தேர்தலையோ அல்லது அரசியலமைப்பு நெருக்கடியையோ திமுக விரும்பவில்லை என்பதை அவர் சுட்டிக்காட்டியுள்ளார்.

கூட்டணி வதந்திகளுக்கு முற்றுப்புள்ளி: அண்மைக்காலமாக திமுக மற்றும் அதிமுக ஆகிய இரு கட்சிகளும் இணைந்து 'கூட்டணி ஆட்சி' அமைக்கப் போவதாகப் பரவி வந்த இரகசியப் பேச்சுவார்த்தை குறித்த தகவல்களுக்கு, முதல்வரின் இந்த விளக்கம் முற்றுப்புள்ளி வைக்கும் வகையில் அமைந்துள்ளது.

தவெக மற்றும் திமுக இடையிலான அரசியல் நகர்வுகள் பரபரப்பாகப் பேசப்பட்டு வரும் நிலையில், முதல்வரின் இந்த வெளிப்படையான கருத்து அரசியல் வட்டாரத்தில் பெரும் கவனத்தைப் பெற்றுள்ளது.

லங்கா4 (Lanka4)

(வீடியோ இங்கே )