பாலியல் குற்றச்சாட்டுகளை எதிர்கொள்ளும் பிரபல பிரெஞ்சு பாடகர்

பிரான்சின் மிகவும் பிரபலமான கலைத்துறை நட்சத்திரங்களில் ஒருவரான பேட்ரிக் ப்ரூயல், 'மீ டூ' இயக்கத்தின் சமீபத்திய விளைவாக, பல கற்பழிப்பு மற்றும் பாலியல் துன்புறுத்தல் குற்றச்சாட்டுகளின் பேரில் நீதித்துறை விசாரணைக்கு உட்படுத்தப்பட்டுள்ளார்.

பாரிஸின் மேற்கு புறநகர்ப் பகுதியான நான்டெர்ரில் இரண்டு நாட்கள் காவலில் வைக்கப்பட்டிருந்த பிறகு, 67 வயது பாடகரும் நடிகருமான ப்ரூயல், நான்கு நீதிபதிகள் கொண்ட குழுவின் முன் ஆஜரானார்.

பல கற்பழிப்பு, கற்பழிப்பு முயற்சி, பாலியல் தாக்குதல் மற்றும் துன்புறுத்தல் வழக்குகளில் ப்ரூயலை விசாரணைக்கு உட்படுத்த வேண்டும் என்ற அரசு வழக்கறிஞரின் கோரிக்கையை அவர்கள் உறுதி செய்தனர்.

இந்நிலையில், ப்ரூயல் தனக்கு எதிரான குற்றச்சாட்டுகளைத் தொடர்ந்து மறுத்து வருகிறார்.