சர்க்கரை கலந்த திரவ உணவுகளுக்கான வண்ணக் குறியீடுகள் அறிமுகம்!

சர்க்கரை கலந்த திரவ உணவுகளுக்கான வண்ணக் குறியீடுகளைக் குறிப்பிடுவது தொடர்பான விதிமுறைகளைத் திருத்தி, ஒரு விசேஷ வர்த்தமானி அறிவிப்பு இன்று வெளியிடப்பட்டது. 

சுகாதாரம் மற்றும் வெகுஜன ஊடக அமைச்சர் டாக்டர் நளிந்த ஜெயதிஸ்ஸவினால் இந்த அறிவிப்பு வெளியிடப்பட்டுள்ளது. 

1980-ஆம் ஆண்டின் 26-ஆம் இலக்க உணவுச் சட்டத்தின் 32-ஆம் பிரிவின் கீழ் இந்தத் திருத்தங்கள் வெளியிடப்பட்டுள்ளன. 

புதிய திருத்தங்களின்படி, சர்க்கரை கலந்த திரவ உணவுகளின் பொட்டலங்களில் காட்டப்பட வேண்டிய சிவப்பு, ஆரஞ்சு மற்றும் பச்சை வண்ணக் குறியீடுகளின் வடிவமைப்பு மற்றும் காட்சிப்படுத்தல் தொடர்பாக புதிய விதிமுறைகள் அறிமுகப்படுத்தப்பட்டுள்ளன.

உத்தரவின்படி, 100 மில்லிலிட்டருக்கு 8.0 கிராமுக்கு மேல் சர்க்கரை உள்ள பானங்களுக்கு சிவப்பு நிறமும், 2.5 முதல் 8.0 கிராம் வரை சர்க்கரை உள்ள பானங்களுக்கு ஆரஞ்சு நிறமும், 2.5 கிராமுக்குக் குறைவாக சர்க்கரை உள்ள பானங்களுக்குப் பச்சை நிறமும் பயன்படுத்தப்பட வேண்டும்.

 கூடுதலாக, கண்ணாடிக் குப்பிகளில் இடம் குறைவாக உள்ள சமயங்களில் பயன்படுத்தக்கூடிய ஒரு மாற்றுச் சின்னமும் அறிமுகப்படுத்தப்பட்டுள்ளது.

இச்செய்திக்கு பிரதான அனுசரணை

வீடியோ இங்கே