வீதிகளில் ஹெட்போன் பயன்படுத்தும் பாதசாரிகள் மீது சட்ட நடவடிக்கை எடுக்கும் காவல்துறை

ஹெட்ஃபோன்கள் அல்லது இயர்ஃபோன்களைப் பயன்படுத்தி சாலைகளில் நடக்கும் பாதசாரிகள் மீது எதிர்காலத்தில் சட்ட நடவடிக்கை எடுக்கப்படும் என்று இலங்கை காவல்துறை தெரிவித்துள்ளது.

அத்தகைய பாதசாரிகளுக்கு தற்போது எச்சரிக்கைகள் விடுக்கப்படுவதாகவும் ஆனால் விபத்துகளின் அபாயம் அதிகரித்து வருவதால் எதிர்காலத்தில் நீதிமன்ற நடவடிக்கை தொடங்கப்படும் என்றும் போக்குவரத்து கட்டுப்பாடு மற்றும் சாலை பாதுகாப்பு பணிப்பாளர் நாயகம், சிரேஷ்ட பொலிஸ் கண்காணிப்பாளர் மனோஜ் ரணகலா குறிப்பிட்டுள்ளார்.

இலங்கையில் சாலை விபத்துகளால் தினமும் 10க்கும் மேற்பட்டோர் உயிரிழக்கின்றனர், ஜனவரி 1 முதல் ஜூன் 30, 2026 வரை, மொத்தம் 1,323 சாலை விபத்துகள் பதிவாகியுள்ளன, இதன் விளைவாக 1,389 பேர் உயிரிழந்துள்ளனர் என்று மனோஜ் ரணகலா குறிப்பிட்டுள்ளார்.

2025ம் ஆண்டுடன் ஒப்பிடுகையில் விபத்துகளின் எண்ணிக்கை 105 ஆகவும் உயிரிழப்புகள் 107 ஆகவும் அதிகரித்துள்ளதாகவும் இந்த போக்கு கவலையளிப்பதாகவும் ரணகலா தெரிவித்துள்ளார்.

பாதசாரிகள் மற்றும் மிதிவண்டி ஓட்டுநர்களே மிகவும் பாதிக்கப்படும் குழுக்கள் என்றும் கவனக்குறைவு, அலட்சியமான நடத்தை, போக்குவரத்து விதிமீறல்கள், அதிவேகம், மற்றும் மோசமான வாகன மற்றும் சாலை பராமரிப்பு ஆகியவை விபத்துகளுக்கு நேரடியாகக் காரணமாக அமைகின்றன என்றும் அவர் மேலும் தெரிவித்துள்ளார்.

11வது தேசிய விபத்துத் தடுப்பு வாரத்தை முன்னிட்டு சுகாதார மேம்பாட்டுப் பணியகத்தில் நடைபெற்ற ஊடகவியலாளர் சந்திப்பில் கலந்துகொண்டு கருத்து வெளியிடும் போதே அவர் இதனைத் தெரிவித்துள்ளார்.

இச்செய்திக்கு பிரதான அனுசரணை

வீடியோ இங்கே